Indonesia ah Security Force alutnuam numeite Virginity Test kibawlsak sese

Indonesia ah Security Force alutnuam numeite Virginity Test kibawlsak sese

Indonesia gamsung ah Security Force alutnuam numei tepen pasal tawh alumkhawm ngeihiam, asiangtho laihiam ci’n “Virginity Test” bawlsak masa uhhi. Tuabang in numei “Female Applicants” tepen Virginity Test akibawlsak sesepen ki deidanna “discriminatory” namkhat hi ci’n New York based Human Rights Watch (HRW) te’n mawhsak mahmah uhhi.

Tua ahih manin Indonesia President Joko “Jokowi” Widodo in National Police leh Indonesian Military (TNI) makaipi te thupia in, tuabang in numei pasal ki deidanna “Gender based violence” akibawl nawnloh nadingin thupiahen ci’n Human Rights Watch (HRW) te’n genkhia uhhi.

Hih numei asiangtho ahihleh ahihloh sitcianna Virginity Test pen “two-finger test” zong kici a, abeisa kum tampisung Indonesia in azatzatsa uh cimawk hi. Numei te ii avansung aom Hymen pen ki sukkhakna aomnaihiam ci’n ki sitsakna pen Discriminatory namkhat ahih banah numei te’n nasep angah nadingin aki khakcip, Job Opportunities hamsa saktuam hi ci’n HRW women’s rights advocacy director Nisha Varia in genkhia hi.

Indonesia gammi numei te’n agam alei itmahmah in, Security Forces ah palik galkap lutnuam uh a, ahi zongin tuabangin alutnuam tepen Virginity Test kibawlphot sesepen kul hetlo hi. Indonesia numei te ii Rights pen ih dalpih kul hi ci’n genbeh hi.

Tuabang in Virginity Test bawlmasak athuakkha numei te’n HRW te tungah agenna ah Doctor te’n akhutme nihte hong hento uh a, Hymen hong Check sak uhpen maizumhuai in nop hetlo, lungsimzong gimmahmah bekthamlo, anat mahmah inzong namahmah hi ci’n genkhia uhhi.

2014 kum inzong World Health Organization (WHO) Guidelines aki pulak khiatna ah Virginity Test pen numei siangtho leh siangtholo pen hoihtak in theihcianding hamsa hi, Scientific Validity omlo hi ci’n pulakkhia uhhi. Tua ahih manin Virginity Test pen leitungbup in Violation of Human Rights ci’n aciaptehzong ahihi.

Tua ahih manin Indonesia President Joko Widodo in National Police leh Indonesian Military alutnuam numeite pen Virginity Test bawlsak nawnkei henla, tua Institution nihte’n adang Monitoring Mechanism vaihawm hen ci’n Human Rights Watch (HRW) te’n ngetsakna nei uhhi.

More: Video: Unau numei nih inndawl 5 na panin anih un lengkhia in sipah

Tua hileh Indonesia gam inzong International Human Rights Obligations azui ahih banah “International Day for the Elimination of Violence against Women” zong atangtuntheih nadingin apanpih hiding hi ci’n HRW te’n pulakkhia uhhi. “International Day for the Elimination of Violence against Women” pen kumsim November 25 ni simin bawlding in United Nations General Assembly in aciapteh ahihi. Sawltak #zomidaily