Malaysia, Seremban ah Kawlgammi khat Heart Attack tawh mawtaw sungah si

Malaysia, Seremban ah Kawlgammi khat Heart Attack tawh mawtaw sungah si

Malaysia, Seremban sungah Myanmar gammi pasalkhat tuzingsang asisa in alawmte’n mu cih NST pan kiza hi. Tua Myanmar gammipa pen Seremban, Taman Jasmin Seremban ah tuzingsang in asisa in akimu ahihi.

Seremban district police deputy chief Superintendent Sulizmie Affendy Sulaiman in agenkhiatna ah hihpa pen mawtaw sungah asisa in akimu ci a, Heart Attack tawh asi hiding in ki ummawh cihi.

Tua asipa pen kum 24 aphakhin khat hi a, alawmpa kiangah ka awmsung na hi ci’n genkhia cihi. Tuaciang in alawmpa’n mawtaw sungah natuang in, Clinic hong paipihning ci’n vaikhak cihi.

Tuni Monday zingsang 7am hunpawl in thupiang hi a, alawmpa mawtaw sungah alut ciangin hihpa pen khua naphawk nawnlo cihi.

Tuaciang in Medical Team te kizasak in, tua phual ah Medical Team te atun ciangin sikhinta ci uhhi.

Thunei te’n hih misipa ii aluangpen hoihtak velcianna nei uh a, bangmah gitloh gamtatna Foul Play omloding in ummawh uhhi. Apumpi tungah liamma zong bangmah omlo ahih manin, hihpen Heart Attack tawh asi hiding kiciphot hi.

Ahi zongin aluanghawm pen Tuanku Jaafar Hospital ah Postmortem bawlding in kipuaksak a, zato te’n asihna taktak hoihtak in gencian theipanding uhhi. Tulaitak asihna ahangpen asivat “Sudden Death” cihtawh ki ciamteh phot hi.

Related: Malaysia Subang Gas puakkham lakah ah Myanmar 6 kihel, mi 2 sikhin

Myanmar gammi khat mawtaw sungah si cihciang bektawh thuthang ki gelhkhia a, amin apuam bangmah kigelhlo ahih manin, Myanmar gammi veve kuate hidinghiam cih kitheician nailo hi. Athei masazawzaw ki Update zelzel ni. Sawltak #zomidaily