The wells of Yeshua ~ Dim Lun Zam

The wells of Yeshua ~ Dim Lun Zam

Siapa in sang huang sung khat a om suang hiam khawng tawh a ki bawl tuikhuk kiang khat ah ong pai pih hi. Tua suang te pen a kim a sehnel te tawh a ci kibang pian dingin aza ki zut hi. Tui khuk lang khat tung tuak ah ka tut khit uh ciangin thu hilh ong ki pan hi.

“SUKKOT a ki ci Buukpawi ( the feast of tabernacle) hun sungin a thupi mah mah ngeina khat ki zang hi, tua in ” Tuikhuk sung pan tui khai” ( the drawing of wather ceremony) hun khat ahihi. Siampi pa makai in amite kigual ngiitngeet sa in Siloam bualpi lam zuan uh hi. Siampi pa in kham tawh ki bawl phelkhai khat tawh in tui akhai khit ciangin, mualtung a ki lam biakinn lam zuan in a tui ki paipih to hi. Isaiah lai siangtho sung a,”nongte in lungdam tak in GUPKHIATNA TUIKHUKTe pan in tui na tawi/ ngah ding uh hi” kammal ki sim laitak tua tui pen siampi pa in biakna tau ah ong bua suk hi.”

Siapa in phelkhai khat la in tui khuk sung ah a khiat suk kawm in, ” Hih nisuah na lam gamlai zang a teng te ading phadiak pen tui om kei leh a hi thei vet lo mun ahih mah bangin, buuk pawi a ki bawl sung anisim in hih tui khai hun khat pello in bawl loh aphamawh hi” cih kawmkawm in aphelkhai dim tui ong khaito hi. ” Messiah in agen thu khat,’ adangtakmi na om uh leh….’

‘Za ngei mah ingh ei’

“Thu um mi atam zaw in zangei napi uh bang tawh ki sai a agen hiam cih tel lo uh hi”

“Sia aw, bang tawh ki zom a agen hi mah a leh?”

“Buukpawi hun sungin hih tuikhai hun pen athupi mah mah pen hi in, biakna tau tung tui abuah uh teh a kisim Lai siangtho, Isaiah sung a pen ….. GUPKHIATNA TUIKHUKTE ( the wells of salvation) cih bangin mang kam in ki at pen Hebrews te pau in GUPKHIATNA mun ah YESHUA ki ci hi, tuapen Zeisu acihna hi ven.”

“Tua ahih leh Zeisu a kici tuikhukte( tuite) sung pan in tui tawi/ la ding ” aci dan ahi ve maw.”

“Zeisu in pawi hun sungin, dingto a, adangtakmi in ka kiangah ong pai ta uh hen, lai siangtho sungah a gen sa mah bangin, nuntakna tui ong khai un la kei ong umte sungpan in nuntakna ciktui lua pen tawntung nuntak na dongah ong let khia ding hi ci.”

“nuntakna tui pen Zeisu kiang pan bek ah ki ngah thei maw?”

“Tua tui pen ciangtan om lo a ong kipia ding Kha Siangtho agen na ahi zen ve. Yeshua kiang/ sungpan bek in Kha Siang tho ki ngah thei hi. Tui pen i nuntak na ding a hih mah bangin Pasian sungah inuntak thei nadingin Kha Siangtho lo tawh ahi theilo hi. Tua Zeisu tuikhuk sung pan in i deih zahzah ki ngah thei cihna ahi a nisim i nuntak nading nisim mah in i ngah den ding thupi hi.”

The mission: Tuni in, Yeshua tui khuk ah ong pai in la, lungdam takin guntui bang a aluang a hi nuntakna Pasian Kha Siangtho,tui tawi bangin ong tawi ta in.

Isaiah 12:1_3; John 7: 37_39, The mysteries of the book, Day 55, Dim Lun Zam