Thaukap kineih in akimawl kum 5 aphapan khat sanginn pan kihawlkhia

Thaukap kineih in akimawl kum 5 aphapan khat sanginn pan kihawlkhia

USA, North Carolina State sung aom Hoke County ah naupang kum 5 bek aphapan khatin alawmte tawh teengta kimawl in ciangkang khattawh thaukap bangdan in akineih manin sanginn panin ki khawlsak (Suspend) cih Fox News pan kiza hi.

Hih naupang kum 5 bek aphapan pen Kindergarten akahpan ahihi. Asangkahna panin Principal in Friday ni in anu Phone tawh hopih a, atanu sanginn Playground ah buaina apianvai genkhia hi.

Atanu pen Playground ah alawmte tawh tawmveicik kimawlpan in Teachers te’n talkaihkhiat uh a, Principal’s Office ah paipih uhhi.

Principal in anu kiangah agenna ah atanu Caitlin pen alawmte tawh kimawl uh a, ciangkangkhat manin thau akap bangdan in kimawl cihi.

Tua ahih manin hih naupangno pen adang sangnaupang te adingin lauhuai hi. Sanginn thukhun Policy 4331 tawh kituaklo hi. Hoke County Schools in sangnaupang te lauthawngsak, nawngkaisak cihte pen kiphal hetlo hi.

Tuabang in adang sangnaupang te Threat apiangsakthei dingin agamta tepen laisinna Classroom panin ki hawkhiathei a, sanghuangsung School Environment paninzong ki hemkhia theihi. Sanginn huangsung ah laisinna Safety aomding thupipen hi cihi.

Tua ahih manin Caitlin kici naupangno pen nikhat sanginn panin ki hawlkhia in azingciang kikah sakkikpan hi.

More: Florida State University ah thaukapna piangleuleu, mi 2 si

Naupangno ii genkhiatna ah amahleh alawmte nihpen “King and Queen” akimawl uh hi a, amahpen kumpi huangsung acing akineih cihi. Kumpi huangsung ah alut mihoihlo Intruder te’n Royal Family te abawlsiat theihloh nadingin aman thautawh akap hi’ng ci’n genkhia hi.

Naupang kum 5 bek aphapan khat ii kimawlna pen athu thuklak mahmah bangin agamsung ahzong thau zatzia, leizia Policy te etphat huaizawlai lohiam cihnop huai hi. ZD Sawltak #zomidaily