Malaysia, Johor ah Passenger 42 atuanna Bus khat mei kuanggawp, asi aliam omlo

Malaysia, Johor ah Passenger 42 atuanna Bus khat mei kuanggawp, asi aliam omlo

Malaysia, Johor Baru sungah tuni Monday (Feb 26) nitaklam 4pm hunpawl in Passengers puakna in akizang Stage Bus khat meikanggawp cih NST pan kiza hi. Hih Passenger Bus sungah Passenger bekbek akigawm in mi 42 atuangkhawm uh hi a, kuamah asi aliam omlo in suaktathei cibilbel hi.

Hih Passenger Bus pen Kg Melayu geinai aom Jalan Tebrau kici lamzikpi tungah atailaitak in mei akuanggawp kici hi.

Hihvai tawh kisai in Tebrau Fire and Rescue Department operations chief senior firefighter Ronie Robert in agenna ah tuni nitaklam 4:26pm hunpawl in huhngetna Distress Call hongkisam a, amanlang in meiphelhding in Firefigher honkhatin kidelhpah cihi.

Video: 42 passengers escape unhurt from a burning intercity stage bus

Hih Bus pen lampi tungah apaipai laitak in meikuang cih kithei ahih manin, amanlangin lampigei ah Emergency Stop kibawl a, asungah atuang Passenger khempeuh kituakkhiasak saisai cihi.

Bus Driver ahi zongin Passenger khempeuh ahi zongin kuamah asi aliam omkhalo in, suaktathei uh cihi.

More: Malaysia, KL khuasung atai Bus khat meikang in agei aom mawtaw te lawh

Hih Passenger Bus pen bangci bangin mei hizah in kuanggawpthei cihpen Forensic Investigation kibawlding cihthu kiza hi. Sawltak #zomidaily