Thai PM ki suamlupsawm cih Thai Police te’n genkhia

Thai PM ki suamlupsawm cih Thai Police te’n genkhia

Thai gamsungah tulaitak Prime Minister asempa pen ki suamlupsawm cih Thai Police te’n Sunday (Mar 19) ni in genkhia uhhi. A suamlupsawm “Assassinate” tepen Red Shirt Movement te ii gamtatna hiding ci a, suamlupnading in akizatsawm galvan Weaspons honkhat ki mankhia cih Reuters News pan kiza hi.

Thai PM asuamlupsawm tepen abeisa in PM asemngei Thai gampan ataikhia Prime Minister Thaksin Shinawatra ii mite hiding kic hi. Saturday ni in Red Shirt Leader Wuthipong Kochathamakun kicipa ii a innsungteng Thai Police te’n buluh uh a, Checking bawlgawp uhhi.

Tua innsung panin Rifles thau pawlkhat, khutlot Grenades Bomb pawlkhat, Ammunition honpikhat mankhia uhhi. Hih hiamvanteng tawh kizopna aneiding in aki ummawh pasal mi 9 zong palik te’n man uhhi. Hih akimanteng in gamsung buaina piansaksawm cihpen paulap kician, Evidence kician mahmah cihi.

Thai National Police Chief Jakthip Chaijinda in Sunday ni in Reporters te tungah agnekhiatna ah Rifle thau tepen vasa betnading hilo limlim hi. Kumpi thunei te asuamlup nading un azatsawm uh cih kilang mahmah hi ci’n genkhia hi.

Kumpi thunei acih ciangin tulaitak Thai gamsung ah PM asemlaitak ahi Prime Minister Prayuth Chan-ocha agennuam ahihi.

More: Thai Mae La Refugee Camp ah amauleh amau akithat Suicide tam

Tulaitak Prime Minister Prayuth Chan-ocha pen nidangin galkap makaipi Army Chief ahihi. Thaksin Shinawatra ii anaunu Yingluck Shinawatra in Thai gamsung ah Prime Minister aseplaitak 2014 kumin hih galkap makaipa in gamsung thuneihna abuluhkhia ahihi. Thai gamsung zong galkap kumpi in thu neimahmah ahih manin, gamvai buaimahmah thei uhhi. ZD Sawltak #zomidaily