Kapteel Khuapi ah Zomi So velvel ei

Kapteel Khuapi ah Zomi So velvel ei

Kapteel Khuapi ah ZCD te Ann neekpihna Sialpi kigo ta hi

10-20-15 Ni Zintun ni in Vok khat tawh Zindo uha., 10-21-15 Sialpi Gol Mahmah khat leh Vok gol mahmah khat gawh uhhi.

Sun 12pm Hun kipan ding a ZCD pan thugenna, Khuazang a thukikupna, Khangno te thukikupna nasia tak kinei ding a, Khuazang ZCD ah kigawmding in geelna nei uhhi.
Kapteel Khuapi Teeltuivon New London tualpi ah ZCD Makai te vazinghawh uhhi.

Hih tualpi peen Teeltuivon te kipumkhat nading ZCD ah tuibang luankhop nading a Pa Nang Khan Lian leh Nu Ning Hau Man te tapa Pu Thang Sian Thawng in Director seem a, Leitung Muntuamtuam a om Teeltuivon buppi in sum le paai tha le ngal kigawm khawm in JCB 2 leh Mawtawpi 2 tawh sem ziahziah uhhi.

Tutung ZCD muakna peen Pa Nang Pian Khup in Sialpi khatgo in USDP Makai Pu Khup Lian Kap leh Pu Gin Za Dong te in kipawl in Vok go uha, USDP panmun khawlsan in ZCD ah Innteek tangta uhhi.

Kapteel khua te peen 1990 kum Laai in ZNC tha apia leh Zomi a it tawntung khua ahihban uh-ah kipumkhat mahmah uh ahihman in Zogam ah akhanto peen khua khat in kiciam teh hi. Mei-electric ban peen Tedim khuapi sang nopci zaw tham in nundan kilam dang ngiat hi.

Zomi bup in etteh huai leh nungdelh huai mahmah kasa hi.

Thang Khawm Pau ZOMi
Bowling Green , Kentucky
USA