Thai, Malaysia, Indonesia aom Myanmar Embassy mai ah lungphona kinei

Thai, Malaysia, Indonesia aom Myanmar Embassy mai ah lungphona kinei

Kawlgam, Rakhine State sung aom Maungdaw ah Rohingya leh Kawlte buaina huhau in Thai, Malaysia leh Indonesia aom Muslim kipawlna te’n tuni Friday (25 November) ni in Myanmar Embassy maiah lungphona nei uh cih 7Day News pan kiza hi.

Thai, Malaysia leh Indonesia gamsung aom Myanmar Embassy maiah lungphona ahun kituak in aneikhawm uh cihi.

Malaysia gamsung aom Myanmar Embassy mai ah tusunlam 2:30pm hunpawl in mi 2000 val in lungphona hongnei uh ci’n Embassy panin thunei khatin genkhia hi.

Tuabang in lungphona aneipen Muslim kipawlna tuamtuam panin kipawlna 6 in anei ci a, alunggulhna uhzong laitawh Myanmar Embassy ah pia uh cihi.

Thai gamsung aom Myanmar Embassy mai ahzong mi 50 khawngin lungphona nei uh cih Myanmar Embassy nasem te tungpan in kiza cihi.

More: Iraq ah Suicide Bomb puak, mi 100 kiim in sihna tuak

Tuaban ah Indonesia gamsung aom Myanmar Embassy mai ahzong lungphona kinei cih kiza hi. ZD Sawltak #zomidaily