Washington D.C Area ah Kum (70) cinna Zomi Nam Ni picing tak in kibawl

Washington D.C Area ah Kum (70) cinna Zomi Nam Ni picing tak in kibawl

Zomi Innkuan Washington D.C Area (Zomi D.C,A) kipawlna ii makaihna tawh Washington D.C Area ah kum (70) cinna Zomi Nam Ni pen February 20, 2018 (Tuesday) ni in CBMC Biakinn, Fellowship Hall, 5602 Johnnycake Rd, Gwyn Oak, MD 21207 ah nasia tak leh picing takin kibawl aa, tualai ah Washington D.C Area leh akim, apaam pan Zomi tampi in hong muak thei uh hi.

Zomi Nam Ni pen Washington D.C Area ah Zomi DCA makaihna tawh 2014 pan kipan in akibawl to to ahi hi.

Tualai ah Zola sakna, Zo ngeina lam lahna, Zomi Nam Ni thu, Zomi vai thu genna ki nei thei aa, picing tak in kibawl zo hi. Nek leh dawn zuakna zong EBC-Y te makaihna tawh kinei thei aa, amau teng tung Zomi DCA pan lungdam kiciamteh hi.

D.C Area Zomi Nam Ni photos (Facebook): https://www.facebook.com/thomas.mung.1

Hih Zomi Nam Ni picing takaa i bawl zawh nang mun tuam tuam pan hong panpih khempeuh tung Zomi DCA pan kilungdam mahmah hi. Happy Zomi Nam Ni. Mai kum ciang kimu kik ni.

Zomi DCA News group
Information Department
Zomi Innkuan D.C Area