Thai gamsung ah Boat khat puakkham in mi 16 liam

Thai gamsung ah Boat khat puakkham in mi 16 liam

Thai gamsung aom Phi Phi Le Island kici tuikulh mailian ah Boat khat tuni Sunday ni in puakkham in mi 16 liam cih Reuters pan kiza hi. Tua apuakkham gunkuang pen Speedboat kici ahattai zalzalthei te hi a, atungah Passenger mi 31 atuang uh ahihi.

Atuahsiatna Phi Phi Le Island kici pen Southern Thailand, Krabi Province sung aom hi a, aliam Passenger atamzaw pen China gampan in khualzinmi vive hizaw hi ci’n Phi Phi Police te’n Reuters te tungah genkhia uhhi.

Tua Speedboat pen amin “King Poseidon” kici a, Phuket Island panin Phi Phi ah Passenger te apuakding in apai laitak ahihi. Tuipi tungah atailaitak in Engine meikuang in puakkham a, Tourist mi 14 leh Crew Member mi 2 liam uhhi.

Engine meikuang liangding in bangci bangin kipankhia cihpen ki theicianlo a, kumpi thunei te’n akanciansan laitak uh ahihi.

Aliam mi 16 te lakah mi 6 pen gimphadiak, huaisia phadiak uhhhi ci’n Phi Phi Hospital Sfaff te’n genkhia uhhi. Tua agim phadiak aliamte pen Phuket aom Hospital ah ki puaksawn cihzong kiza hi. Adangte ahihleh zato ah zatui akibawlkhit ciangin ki tuaksak kikpah uhhi.

Southern Thailand gamsung aom Beach Resorts te leh Islands tepen gamdangmi khualzin te apainop mahmahna mun, Major Tourist Attraction ahihi. Adiakdiak in November kha panin March kha kikal pen “high season, peak season” kici a, khualzinmi tamphadiak hi.

More: Thai gamsung ah mawtaw tuahsia in, Myanmar gammi 13 si

Thai Ministy of Tourism and Sports te pulakna ah abeisa kumsung in gamdangmi khualzin Tourist akigawm in mi 35 Million zin ci uhhi. 2018 kumsung inzong agamsung ah gamdangmi khualzin 37 Million leh 38 Million kikal azinding in lamen uh a, Tourism pen aki limgin mahmah uh ahihi. Abeisa kumsung khualzin mi 35 Million lakah 10 Million pen Sengam pan Chinese Tourist vive ahi uhhi. Sawltak #zomidaily