US Texas aom sanginn khatah thaukikapna piang, mi 8 si in 6 liam

US Texas aom sanginn khatah thaukikapna piang, mi 8 si in 6 liam

USA, Texas State sungaom High School khatah Friday ni in thautawi pasal khatin mi phialkapgawp ahih manin atawmpen mi 8 peuhmah sikhin cih AFP pan kiza hi.

Tua thaukikapna apianna sanginn pen Santa Fe High School hi a, tua sanginn pen Texas, Galveston County sung aom Santa Fee khuasung aom ahihi.

Hih thau kikaplaitak amukha Eyewitness Nikki kicinu in Local television station KTRK te tungah agenkhiatna ah pasalkhat Shotgun tawh sanginn sungah lutin, thautawh phialkapgawp hi. Numeikhat zong akhe akapkhaklam kamu hi ci’n genkhia hi.

Tua thautawipa pen kimanthei in Police te khutsungah omkhinta hi ci’n School’s assistant principal, Cris Richardson in CNN te tungah genkhia hi.

Santa Fe school District panin Statement akhahkhiatna ah tuzingsang in Hihg School sanginn sungah thau kikapna piangin, ahi zongin tu’n buaina vengkhinta cihi.

Santa Fe police chief Jeff Powell inzong Press Conference ah agenkhiatna ah sanginn geinai ahzong apuakkhamthei “Explosive Device” van honkhat kimuhi ci’n genkhia hi. Tua thautawipa pen sangnaupang khatmah hiding in ki ummawh a, sanginn Classroom sungteng ah aphialkapgawp kici hi.

Asi mi tampi banah aliamzong mi 6 phahi. Tualak ah Police Officer khatzong liamhi. Aliam khempeuh Hospital ah zatui Treatment kibawlding in kipuak hi ci’n Police Chief in genbeh hi.

Apuakkhamthei vanpawlkhat zong kimu ahih manin, sanginn panin sangnaupang te ki hemkhiasak hi ci’n Santa Fe Independent School District te’n genkhia hi. Athu ala akicianzaw in theihbehhuai aomleh Update totoni. Sawltak #zomidaily

More: Thai pasal khatin akiteending ni 5 asapin alawmnu thautawh kaplum

Abeisa US History ah thaukikapna ahuaisia phadiakteng:

VEGAS CONCERT: 58 KILLED

2017 October khasung in Las Vegas ah thautawi khatin Outdoor Country Music Concert kibawlna ah mi 58 kaplum, aliam bekbekzong mi 550 pha. Amahzong amahleh amah ki thatlum. Hihpen US History sungah “Mass Shooting” misi atampen, ahuaisiapenpen ahihi.

FLORIDA CLUB: 49 KILLED

Jun 12, 2016 ni in Orlando City aom Gay Nightclub ah thautawi pasal khatin mi 49 kaplum. Tua thautawipa zong Police te’n kaplum.

VIRGINIA TECH: 32 KILLED

2007 April khasung in Virginia Tech University ah Korea sangnaupang khatin thautawh sangnaupang tampitak kaplum, anunung ah amahleh amahzong kikaplum. Akigawm in mi 32 si.

SANDY HOOK: 26 KILLED

2012 December khasung in Connecticut, Newtown ah kum 20 aphakhin khatin anu thatlum. Tuakhit ciangin Sandy Hook Elementary School ah sangnaupang tampi kaplum, amahleh amahzong ki thatlum. Akigawm in mi 26 si.

TEXAS CHURCH: 26 KILLED

2017 November khasung in Texas, San Antonio pualam aom Sutherland Springs, Baptist Church ah thautawi khatin Sunday kikhawm mipi te kapgawp, mi 26 takin sihlawh.

TEXAS RESTAURANT: 22 DEAD

1991 October khasung in Texas, Killeen Town ah pasal khatin Restaurant khatah mi 22 thautawh kaplum. Amahleh amahzong ki thatlum.

FLORIDA HIGH SCHOOL: 17 DEAD

2018 February khasung in Florida, Parkland aom Marjory Stoneman Douglas High School pan akihawlkhia sangnaupangkhat thautawh kuankik in mi 17 kaplum.

CALIFORNIA OFFICE PARTY: 14 DEAD

2015 December khasung in San Bernardino ah Christmas Office Party akibawl laitakin Muslim nupakop khatin mi 14 kaplum. Amauzong Police te’n kaplum.

FORT HOOD MILITARY BASE: 13 DEAD

2009 November khasungin Texas, Killeen aom US Army Psychiatrist khatin thautawh mi 13 kaplum, aliamzong mi 42 pha.

NEW YORK IMMIGRANT CENTRE: 13 DEAD

2009 April khasungin New York, Binghamton aom Civic Center ah Vietnamese Immigrant khatin thautawh mi 13 kaplum. Amahzong ki thatlum.

COLUMBINE HIGH: 13 DEAD

1999 April khasungin Colorado, Littleton aom Columbine High School ah naupangno khatin mi 13 kaplum.

WASHINGTON NAVY YARD: 12 DEAD

2013 September khasung in Washington Navy Yard headquarters ah galkaplui khatin mi 12 kaplum, amahleh amahzong kikaplum.

DENVER CINEMA: 12 DEAD

2012 July khasung in Colorado, Aurora aom Movie Theater khatah pasalno khatin mi 12 kaplum. Adangzong mi 70 bang liam. Tuapa pen khantawn thongkiading in thukipia.