Yangon hun nading Ks. 1,000,000 hongpia ~ Sia Do Khup
Yangon a om i laizomte upmawhna sangin cimawhzaw uh a, huhna kisam dongtuak taktak inn 500 val pha ta uh hi. Hih nasepna ah ka Pa Thang leh ka Nu Vung (Rev. Dr. Go Suan Thang)te innkuan in dangka tengh 10 hong pia khia uh ahih manin lungdamna lianpi i ko hi.
DONGTUAK DEN LO DING, NONG KIHEL NUAM HIAM?
Hih bangin minambup dongtuahna taktak pen khang khatin nihvei thumvei om sam lo hi. Tua ahih manin hih nasepna ah nong kihel nop leh lungdam takin kong muak uh hi. I piak ding inn tam mahmah mawk ahih manin note panpihna ka kisam mahmah uh hi.
Na tek ciang leh na laitah ciangin kisikna om lo, lungdam angtang takin na tu na tate kiangah “Zomite dongtuah laitakin khutzepin na en khong hetlo hing, kei zong samkhau phel liang mahin tua zah na pia khia ing” na cih theih leh mi manpha na hipan ding hi. Lungdamna leh lametna tawh; Evan. Langh Do Khup (Khuata mipa)
A ETTEH HUAI PAWLPI
Tedim CMBC pawlpi ten pawlpi inn khat ciang Ks.50,000 ta pia uh hi. Cope topa pawlpi ding mahin kilawm ka sa hi. Ka tuatsak ciangin Ks.15,850,000 bang bei ding hi a, pawlpi dang ten zong hih zawh ding hi pha ngel hi.
I GAMBUP AH KIAL TUNG HI
Covid in kum khat val hong nuai khin a gam buaina in hong nawk beh lai ahih manin kikial mahmah ciat hi. Kei kiangah huhna hong kingen ciat a, ko let pen Covid 19 huhna tawm khat bek hilel ahih manin Zogam bup huh nadingin kicing vetlo hi. Khua khempeuh ah pawlpi om ahih manin pawlpi in vaihawm leh a baih pen ahi hi. Sia Do Khup
Comment piaknop aomleh...