Tetci maanlo pianthakna pan ~ Evan. Suangh Dal
Gupna ngah takpi maw cih thupi masa-a, gupna ngah takpi khitteh tan kik lo ahihna hanthot den kul zaw hi. Gupna a ngah takpi sak Lungdamna thumaan thutak a hilh (the genuine gospel preachers) Syate ahi uh hiam cih pen kisam (crucial) pha mahmah hi. Mimal lam pan zong ka pianthakna Lungdamna thumaan thutak mah pan-a ka ngah teci ahi hiam cih kiciat kul mahmah hi.
Mission field pan ka muh thu: I mission field mite pen huhna tawh pantah. Nipi Ni cianga Lungdamnathu a kihilh sunsunte lah a thupha bek a Jesu’ kisapna gencian thei ngei lo, lawhcinna le nopsak daupaina thupha (prosperity, wealth and materialism) vai bekbek tawh Topa’n thupha hong pia hen, hong cidam sak hen (ဘုရားသခင်ကောင်းချီးပေးပါစေ) hiden lel pong.
Kum khat khatvei bang i Mission field a i mite ading cialpi (crusade) geel sak. I zat ding Speaker pa mah phot pen lungdamna thumaan thutak hilh taktak thei Sya (the genuine gospel preacher) hi lo pah photphot ahih lam zong thei lo lai. Cialpi hun sungah hong diang hong tawn gawp sam uh, tua khit teh hong tuk. A zing a thai lamteh tui ki-anaa (အာဏာ) phum sak.
A sawt lo-a hong mang (lost) kik uh. Banghang hiam? I kipattah daan maan lo. A pianthakna Teci uh maan lo. Banghang maan lo? Lungdamnathu a zak uh za khial uh maw? Hi lo. A zak uh thu Lungdamnathu taktak na hi dek suai nai lo gige in tua hang hizaw. Kawlte in a kipatna hoih leh a tawpna zong kician (အစကောင်းမှအနှောင့်ငသချာ) a cih mah bangun kei bang a kipatna lam tawh kisai ah a lunghihmawh den zaw pa hi ingh.
Banghang hiam cih leh gupna a ngah takpi sak thei ding lungdamna thumaan thutak kihilh lopi in, i mission field mite a piangthak sa lai zen hi hang. A teci panna te uh ah upna hanga hehpihna bek tawh diktanna (Justification by grace through faith alone in Christ alone) thute kihel kha peuhmah lo Teci himawk ahih manin hong mang (lost) kik takpi uhi. A man (lost) kikna uh pen piangthak takpi ngei lo, gup ngah takpi nading Teci kician za kha nai lo, um kha ngei nai lo uh ahih hang na hi zaw hi. Teci maan lo pianthakna.
Tua ahih manin Lungdamnathu hilhna ah Teci maan lo pianthakna a hilh Zuauthei kamsang thuhilh maan lo Syate kidop ding leh Lungdamnathu maan taka a hilh thei Syate Topa in hong piansak nading thu nget huai mahmah hi. Tua lungdamna thumaan thutak a kihilh ciangin a um lote in mawhsak thukhenna a thuak khin hi-in a umte bek in gupna ngah ding uhi ci-in kigen le-lah no gupna hawm kisa maw a ci pawl hong om leuleu ding hi.
Pianthakna maan a piang sak gupna a ngah takpi sak Lungdamna thu a kisapna kihah gen leh no gupna hawm kisa maw ci zel, gup ngah takpi khin, pianthakna maan tawh a piangthak takpi khin khat in gupna tankik thei lo hi ci-in kigen leh no ut bangbanga gamtat nop man-a ci-in kimawh sak kawikawi tase mah leh a taktak-a i kisap thu in,
1. Teci maan lo pianthakna pan Pianthakna maan a piangsak thuhilhna (Preaching) le
2. A piangthak takpi sate in gupna taankik nawn lo ci-a hanthotna (Sermon) mah hizaw hi. Evan. Suangh Dal
Comment piaknop aomleh...