Zatui nekding ciangin zuihding ~ AS Thangbawk

Zatui nekding ciangin zuihding ~ AS Thangbawk

Mihingte ki cidam nuam hi. Ahizongin lutangnat a hizong gilnat a hizongin ki tuakpahpah thei hi. Tuaciangin zatui i nek kul hi. Zatui nekna pen mihing te a’dingin ngeina khat suakkhin ta hi. Tuahiaa zatui nek ding ciangin ngaihsut masak diangpawlkhat:

1. Zatui expired date (a hoihhun a khengval hun) en masa hamtang in.

2. Na natna a khauhmahmah hangin zatang tampi nekkhat in nepah tuan kei in.

3. Ne kikpah ne kik pahpah kei in. Zatui tha na sungah nasemsak hithiat phot in.

4. Siavuan te in midang tungah a piak te nang a’dingin hoih pah lo thei hi. Mi nekbang ne pah kei in.

5. Na ki lempih le lempih loh sinmasa/ thei masa lo pi in zatui tamzat hetkei in.

6. Ihmutsuakna na nek khit limlim leh mawtaw/cycle te hawlnawn kei phot in.

7. Siavuan khat na dot leh tua siavuan pa tawh na kizop lai teng midang kiangpan zatui lei thuah sekei in.

8. Zatui pen kamsungah petzan masa lecin hoih pen hi.

9. Zatang tangkhat neu e ci in neungaihsut kei in. Sihna nagawn paingsak zo a hi.

10. Zatui pen na neksiam leh cidamna piangsak aa nekkhialh leh buaina piangsak hi. Tua ahihmanin zatui nam khat peuhpeuh tampi nekloh ding hanciam in. Draft Copied from Gandawin Magazine by ~ AS ThangBawk