Malaysia, Cheras leh Bandar Sunway vengsungah palik te’n damiah 2 kaplum

Malaysia, Cheras leh Bandar Sunway vengsungah palik te’n damiah 2 kaplum

Malaysia gamsung ah palik te’n guta mi 2 kaplum leuleu cih NST pan kiza hi. Hih guta thautawh akikaplum nihte pen mun tuamtuak ah aki kaplum hi a, Cheras leh Bandar Sunway vengsungah aki kaplum ahihi.

Friday ni in aki kaplum uh hi a, tua aki kaplum guta 2 te lakah khatpa pen nungdiak in Klang Valley leh Negri Sembilan sungah suangmanpha zuakna “Jewelry Store” te ah damiah ataih tetawh kizopna omding kici hi.

Friday nitaklam 10:30pm hunpawl in kumpi thunei te ahi “Federal Special Task Force on Organised Crime (STAFFOC)” leh “City police contingent headquarters’s Serious Crimes Division (D9)” te’n Cheras, Taman Connaught vengsung ah guta damiah ataihzel miginalo te om cihthu kizasak hi.

Tuapan pen Perodua Myvi mawtaw khattawh hi a, kum 22 gualpawl ahihi. Police te’n amuh uhciangin tuapa pen mawtaw khawlsak in, thusitna neiding ci’n thupia uhhi. Ahi zongin tuapa in palik te thautawh kapmasa ahih manin, palik te’nzong lehkap kikpah uh a, tua damiah gutapa pen kaplum theipah uhhi.

Tua aki kaplumpa pen abeisa in Bandar Baru Salak Tinggi vengsung ah thauvan, hiamvan pawlkhat tawh damiah taihngei cih Record ciaptehna aomkhat ahihi.

Tuaban ah abeisa December 31 ni akipan Klang Valley leh Negri Sembilan vengsung ah suangmanpha kizuakna Jewelry Store tezong aluhngei khat hiding in ki ummawh hi.

Video: Two suspected robbers die in separate shootouts in Cheras, Bandar Sunway

Tuani zankim 2:45am hunpawl in Bandar Sunway, Jalan PJS 9 vengsung ah palik te’n mikhat kaplum leuleu uhhi. Tuapa pen kum 33 gualpawl hi a, abeisa in gitloh gamtatna Criminal Offences tamveipi anei ngeikhat hi ci’n Subang Jaya police chief Assistant Commissioner Mohammad Azlin Sadari in genkhia hi.

Hihpa pen Bandar Puchong Jaya vengsung ah aomkhat hi a, Bandar Sunway vengsung ah avaklaitak Police te’n amukha uh ahihi. Hihpazong Perodua Myvi mawtaw khatmahtawh hi a, Police te’n muanmawhhuai sapian uh ahih manin, lamkiu ah akhawlding in thupia uhhi.

More: Malaysia, Shah Alam ah Police te’n guta innbuluh sawm mi 2 kaplum

Tuaciang in tuapa’n thautawh Police te akapkawm in, mawtaw tawh hattak in taikhiat vingvengsawm hi. Tuaciang in Police te’nzong thautawh lehkapkik uh a, tua damiah guta pazong sipah hi. Hihpa zong Klang Valley leh Negri Sembilan sungah suangmanpha Jewelry Store te abuluh te lakah kihelding in ki ummawh cih kiza hi. Sawltak #zomidaily