~ Tedim khuasung ah Zomi namni pan in khua hongdam zaw sem aa khuakhal huih zong hongtam semsem hi. Khakhat sung ah Kumpite gamvan in neih vei bang hong pai a hih man in zong khuasung siangtho zaw deuh hi.
~ Tedim khuasung ah zong Slow down a kikoihte a kikoih tungsang in kizang theizaw deuhta hi. A kidawm thei nai lote bel Cycle kituk lian uh hi.
~ Tedim khuasung ah Khuakhalta hongtung kuan aa Luitui zong hong tawm semsem in tui hamsa semsem hi.
~ Tedim khuasung ah Telenor -te in zong a line uh Khuasung lamnuai lam pawl khat leh mualpang lam pawl 1 ah tu uh aa a leite hoihtak vuk kik lo a hih man in lampite a langzang khawng bodeuh cih dan in om hi. A man gainai lo bel hisam uh.
~ 20-22/2/2017 sungteng in Sakollam Tuiphum Pawlpite in Naupangte Solfa hilhuh aa Kha 4 kha ciang in khangbote hilh laiding ci uh hi.
~ Khuakhaltung naihta a hih man in khuakhal huih zong Gam kihal mahmah ta aa i Zogam a tolban ah et lawm lo semsem hi. Gamsate zong a om nading uh hamsa semsem ding hi.
~ Tedim khuasung ah Uikhawl lohding a kithukim sa hi aa a khawi veve ki om lai hi. I khantoh nop leh makaite cihcih mang phot ni.
~ Tedim khuasung aa Zo Lengthe naitau zong kipuah pha in nitak ciang in et lawm mahmah hi.
~ Zingsang khua a vot hang in Lamsiau kitam in nidang bang loin Niangtui sai zingtun zong kitam zawta hi.
Shia Shian | 27/2/2017
Comment piaknop aomleh...