Tedim khuahun (24 December 2016) ~ Tedim Times

Tedim khuahun (24 December 2016) ~ Tedim Times

~ Tedim khuasungteng pen Pasian thupha tawh khua hun hoih in nitang silsial in khua lah vot in zanhal deuhteng guah maltawm hong khia in tua khitciang in hong votsemsem hi. A votdan pen a na hi mai hi. Pawlpi kiim zong zanvak te kiman kimciatta aa Lungdam bawl kimai ngatciat hi.

~ Tedim khuasung ah Church School te in zong lungdam bawl, bawlciat uh aa khuasung ah pawlpi pawlkhat Motor tawh vak in Jesuh suah tangko in khuasung kigam lum in nuam kisapha mahmah hi.

~ Tedim khuasung ah KBZ Bank zong hong kihong ta aa mi kilungdam mahmah hi. Gamdang pan in Sum khak na zong nuam mahmah ta ding hi. Hih Bank hong kihon na hang in khangno nasep ngah pawl khat ki om pah aa tua bek zong manpha khin hi.

A sawt loin zong First Private Bank hong ki hong ding aa Tedim ah Bank 3 hong om ding in Service hoih penpente in mi hong ngah ding a hih man in mipite ii nasep na tampi nuamtuam pah mahmah ding hi. Zomite khuapi ni bang hong tang semsem ta ding hi.

~ Khuasung ah Cycle leh Motor kipaipelh in Khuakiim pan zong mi vanlei aa Tedim hong pai kitam in khuasungah zong mitam peuh mah hi. Cycle hawl bel kidop leh dampai sak ding kisam mahmah hi. Bang lo khat hi kha leng ei mah a kisum zaw a hih man in lungdam bawl min nuam sa mahmah in ei in lungkham ding i kideihsak het kei hi. I tuahsiat ding bel gen thei a om hisam kei.

23/12/2016 ni aa Heilei Hausa pa tuah siat i galzak zong lungnuam het lohi. A innkuan pihte tawh a kibang in i dah pih mahmah hi Topa kha siangtho in na hehnep sak ta hen.Tedim khuasung aa leivui khute bel gelh nawndah ni.

More: Johor Baru leh Kuala Lumpur kikal ah Bus kibung, mi 14 si, 16 liam, Myanmar 2 kihel

~ 23/12/2016 ni nitak in United Workship Team te makaih natawh CMBC biakinn tual ah Pasian phat na thupitak in kibawl aa a pai mimal kim in tha kingah thei mahmah hi. UWT te pen a makaite lah khangno lai in Pasian zahtak in tulaitak Zogam ah Pasian ii zat mahmah khat hi. Thunget natawh panpih lai ni.

Kum thak ma in a ban zom kik ni. Lungdam, Shia Shian (09259185052) Tedim Times