Sen minamte a dangte sangin a tungtuan zawkna nam (10)

Sen minamte a dangte sangin a tungtuan zawkna nam (10)

Minam khangto, gam khangto ahizong minam zawngkhal, gam zawngkhal khat ahizongin thahatna le thanemna nei ciat uhi. Tangtawng Pulepa gohlegamh, ngeina te a luahsuksuk minam khat le khat kibanglo in minam pawlkhatte in ngeina hoih le gamh manpha nei thei uhi.

Sen minam te hoihna le tungtuanzawkna thu nam (10) te kongsuak sak uhi.

1.) Voksa
Senmi khat ahih nak leh voksa limtak a koici bawl ding cih thei hi. Leitung ah Sengam pen voksa zuak pen gam hi a, tua mah bangin voksa kilim nekpen na gam zong ahi hi.

2.) Innsung kimawlna
Sente pen innpua lam kimawl ahi tukpeeng siamlo uhi. Ahi zongin innpi sung kimawl ahi ak kha sat, Ping-Pong (table tennis), Diving, Jumper cihte siamthei mahmah uhi.

3.) Laimal zepna
Nidang in laimal zepna pen siamna (art) khat hilel mah taleh tu hunciangin sumzonna in zong kizang ta hi. Sente laimal te in zong limsuaih bangin akikui zingzeng laimal ahi hi. Tuhun ah Laimal zepna (gtn. font tuamtuam bawlna) panin sum tampi kingah hi. Himun ah zong Sente mah kiva phadiak uhi.

4.) Van atuh/etteh bawlna
Himun ah pen Sente a demzo kuamah omlo ding hi cih i thei kim ciat ding hi. Leitung ah van manpha, van hoih koi gam panin akibawl apiangkhia ahizong Sente in tua bang dan van amanlang pen le akiman pen in bawlkik thei mawk uhi. Van minthang, puan minthang (gtn. Apple phone te, Addidas kimawlna van…cbt) te kihel hi. Apple iphone 6 plus khat pen American gamah aniam theipen dollar 299 bangin kingah thei mah taleh Sengam ah tua dan phone tawh akibang sitset lian atuh khat pen a tammat pen leh dollar 79 bangin kingah hi.

5.) Inn le lo te manlang tak in lam thei uh
Ahuampi in Sen gam ah nikhat in hotel nih ta honna kinei den hi ci hi. Hi bang inn lian, inn gol lamna ah zong Sente pen manlang diak uhi.

6.) Mun sangpen pawlkhat nei uh
Hih in ahih leh mihing te bawltawm hilo in leitung pianzia thu tawh kisai ahi hi. Leitung aa mualsangpen Everest mual in Sen le Nepal gamgi kikal ah a om hi. Sengam lam pan in zong mual tung kikah thei hi. Tua bek hilo leitung ah asangpen meileng lampi zong Sengam ah a om ahi hi.

7.) Sa tawh kibawl moh bawlsiam
Mun khempeuh ah sa moh kibawl thei hi. Ahizongin Sente bawl sa ganhuan tawh kibawl moh (gtn pauksi) te ah akhum dan, a al dancih te ah Sente bawlpen limpha diak hi. Hibang mohte ahileh adang mohte sangin zong limzaw in siamna, kivakna kisam zaw hi. Hih in ahih leh Sente suahpih kivak na khat dingin akigen thu khat ahi hi.

8.) Olympic pawipite nasiatak in khaam zo
2008 khuakhal Olympics pawipi pen Sengam Beijing khuapi ah nasiatak in kibawl hi. Mihing tampi tak tawh pawihon ni, pawikhak ni cihte ah nasia takin lam tuamtuam lak in tuni ciangdong mipite lungsim la zo lai hi.

9.) Niangtehtui/ niangteh keu
Niangteh pen tuilum sung khah in dawnleng lim mahmah hi cih thu Sente in theikhia masa pen uh ahih na kiciantak in etkak ding thu tampi om hi. Tuni dongmah in Sengam panin niangteh limpen mah piang hi. Niangteh panin niangtui dongah damdam in kikhel tohtohna zong Sente hanciamna khat ahi hi.

10.) Metna en thulet
Tuhun ah Sente sumlei sumzuakna pen alipkhap huai cih dingphial in nak khan mahmah hi. Tua bang akhan na ahangin metna en thulet (policy) aneih man uh zong ahi hi. Sente khatciat in zong hi thu lenkip ciat uhi. ‘Zawhngeu vom ding, kang ding cih a thupi hilo hi. Zusa amat theih ding bek athupi ahi hi’ cih thulet a lenkip gam zong ahi hi. Amau metna ding hoihtak sittel theihna ziale tong zong vomkim ciat uhi.

Nk Khanno (Zingsol)
Ref; CNN