China: Numei khat a puanguk Color deihlo in akhelkik sawmleh kiman
China, Chongqing khuasung vanzuakna panin numei khatin puantungsilh khat gukhia a, a Color adeih bangzotaklo ahih manin, azingciang tuapen koihkik in adangkhat agukkik sawmleh kiman cihi.
Chongqing Business News te genkhiatna ah hih numeinu pen nungkal Wednesday ni in vanzuakna Store ah honglut a, saisungah akizuak te lakpan Black Coat, Black Shirt, Black Pants cihte silhsa in ciahsuak hi. Hongpailam in amasilh apuante pen puankilaihna Changing Room sungah nusiasuak cihi.
Tu numeinu in apuanlakte a Color deihlo ahih manin, azingciang tua Store ah khatvei hongpaikik leuleu a, azanni agamtatzia mahbang in hong gamta leuleu hi.
Azanni in nikteen puansilh 3 mangcip ahih manin, vanzuak te’n palik te zasak uhhi. Avek in vanmangte amanzah atuak uhciang in 1,000 Yuan (RM647) bang phading cihi. Palik tezong aki zaksakna tawh kizui in azingciang tua Store ah asitding in pai uhhi.
Palik te’n Store sungah azanni CCTV Record te aetet laitak un tua vangu numeinu pen Live CCTV sungahzong hongsuaklian cihi. A zanni mahbangin puan adeihteng akilaihkhit ciangin apusuahsawm CCTV panin kimulian ahih manin, palik te’n namanpah uhhi.
Tua numeinu in zong van aguklam ki pulak khiapah a, azanni in aguk te aci Color deihlo ahih manin akhelsawm ahihlam genkhia hi. Silhnih tek guksangin ci’n zanni aguksa tetawh alaihsawm ahihlam genkhia cihi.
Guta lakah acitak mahmahpawl hikhading hi.
Banghangin naguk hiam cih akidot ciangin atute khat mopawi omding ahih manin, tualai munah asilhding agu cihi. Apasal kiangah hongleisak in acih hangin leisaklo, sum pianuamlo ahih manin, amahzong mopawi ah silhding in aguziau cimawk hi.
Adeih penpen Color na gukha hileh aki mankhaloding suakpheimawk hi. ZD Sawltak #zomidaily
Comment piaknop aomleh...