Tedim gam, Thangkai kual, Tuivial Update

Tedim gam, Thangkai kual, Tuivial Update

Tutung ZCRC pan an tawh kisai huhna vai hausapa taeh tuzing sang kamkupna na nei thei ung. Khuapua ah khualzin loh ding kham ung. Khua nga kipawl in lutna pusuakna ah khutsilna koih in a lut a pusuak sazian bawl ung cih a nasepna hong gen hi. Tua mun ah nasem te ading khuttuam le mask a kisapna uh hong phulak hi.

An tawh kisai pen Tuivial khua lian in khal sung khom theih dingin na vaihawm thei ung. Natna vai hong sawt leh kicimawh thei veve ding hi. Cihmawh ka tuak hun uh ah nawhtak le muangtak in hong zasak nung. Tu le tu in khuasung ah meikuang paisuaklo dingin na vaihawm khol thei phot ung. Ko tangtang theilai kahih manun a cimawhzaw le a dongtuak zawte in a ngah masak zawk ding lunggulh pih ung, ci in hong dawng hi.

Zozang khua

ZYA Zozang le khua upate in a cimawh thei ding innkuante sazian bawl khin ung ci in ZYA lampan thu hong puak uh hi. Khaikam pan kivan theilo ding ahih manin ZCRC headquarter ahi ZYA zumpi ah lut suak dingin na kigen thei ung.

Khua dangte

Contact ka zon laitak hi in khua makaite tawh kong kiho khitciang report kong puakkik ding hi. Zam Thuam (EC Member, Zomi COVID-19 Response Committee)

Zolen khua ah inn nih in ong hopihna tawh kizui in antang,be le sathau na puak thei ing. Inn khat pen innkuan mi 9 pha in inn khat pen mi 13 pha hi.

Hausa pa tawh zong na kimu thei ing. Ama muhna ah natna vai bel khua sungah buaina khol kei in nek le dawn pen buai pianpian ta ung. Tu kha bei bangciangin inn 120 sung pan a lang bangin hamsa mahmah ta nung ci hi. Lian Tuang (President, Zomi COVID-19 Response Committee)

Zomi COVID-19 Response Committee pan naklemuk tuam (mask) pen leiding hamsa luata ahih manin hand made kivai hawm a Kalay Zato pan guide line zui in volunteer ten aki sep laitak hi. Mal 2500 peuhmah bawlkhiat ding kihan ciam hi. Hih kizo le khatvei zat a paih hinawn lo in kisawp siang a zatkik theih ding ahi hi. ZCRC Volunteer Coordinator Kimtuang le a teampihte hanciamna hi a huntampi a kipiakkhiatna uh hangin zattakna i pia hi. Zomi COVID-19 Response Committee April 26, 2020

April 25 nitak in Zomi COVID-19 Response Committee pan Khaikam ading handmade mask 100, Sunday coffemix thoh nih le ေဝစာ 500 Sia Pau KimTuang (Incharge, ZSYO), Coordinator of Volunteers, ZCRC le a pawlte in hong puakto uh a Khaikam khangno te in kisang thei hi.

April 25 ni mah in Khaikam No.3 veng sung teng le Quarantine lut inn te, kuai leipi le veng sung bup ah tua veng hausa ahi Pa Khen Pum@ Khinpume in makaih in lungno dawina za kapna nei uh hi. Tua banah Pa Khen Pum in veng 3 na sunga om Quarantine lut inn 7 te ading inn khat ciang sathau thawl khatta piak khia hi. No.1 hausa Pa Lian Dal in No.4 veng a Quarantine lut inn nih adingin sathau thawl nih le quarantine lut inn 9 ading ci tawi khat ta pia khia hi.

April 26 ni zingin Khaikam khangno te in Veng 4 na sungpan meh dongin Quarantine lut inn 9 te hawmsak in puak pah uh hi. Tua kawm in No.3 hausa pa tungah ZCRC pan hong piak uh handmade mask hopna zong kinei pah hi.

Khangnote volunteer kuan cil nipan tudong LSD set sathau sai in tuisiang hong sik den uh hi. Tulaitak in Khaikam Myo sungah Quarantine lut inn 9 om a numei 32 le pasal 22 a kigawm mimal 54 pha hi. Zam Thuam