China gamsung aom Tourist Center khat ii Ceiling kicimsuk in mi 9 liam

China gamsung aom Tourist Center khat ii Ceiling kicimsuk in mi 9 liam

China, Shaanxi Province sung aom khualzinmi te ading akibawl Chinese Tourist Center khatah Ceiling kicimsuk in, mi 9 takin liamlawh cih SCMP pan kiza hi. Saturday ni in Mount Huashan Center kicihna aom innpikhat ii Ceiling akicimsuk hi a, setkahlei Escalator ii atunglian panin akicimsuk ahihi.

State Broadcaster CCTV te genkhiatna ah Mount Huashan Tourist Center ii Ceiling ah akizepna Decoration te kicimsuk in, anuai Escalator atuangte adengkha ci uhhi.

Tuabangin Ceiling Decoration akicipsuk laitak CCTV panin Video Record zong omkha ahih manin, Social Media ahzong ki khahkhiapah hi.

Video Clip sungah Escalator atuaksuk hiathiat laitak in, thakhatthu in Ceiling te kicimsuk ziahziah hi. Tuaciangin ageinai ah aomkha te’n ahonkhiading in delhpheipah uh a, Ceiling ii denkhak te hemkhiapah ngeingai uhhi. Pawlkhat Escalator ii anuailam ah aomkha tepen ahunlap in ki hemkhiaman kici hi.

Video: A ceiling decoration at a popular Chinese mountain tourist centre in Shaanxi province collapsed on Saturday, leaving at least nine people injured. The decoration slammed onto two moving escalators filled with people at the Mount Huashan Centre, according to state broadcaster CCTV.

Hih Ceiling pen banghangin hihbangin mawkcipsuk ziauthei hiam cihpen thunei te’n hoihtak kancianding uh kici hi. Mount Huashan akici mualdawn pen asanna Pi 7066 Feet (2154 Meter) bang asangkhat ahihi. China gamsung aom mualsiangtho “Sacred Mountains” 5 lakah hih Mount Huashan pen khatin akihel ahih manin, aminthang mahmah leh khualzinmi atam mahmahden mualsangkhat ahihi.

Chinese Kung Fu leh Chinese Martial Arts Novel tuamtuam leh Video khawngahzong akihelthei zelzel mualminthang khat ahihi.

More: Innthak akituahkhit kum 2 khitciangin Ceiling tungah misiluang kimu

Tuaban ah Monday ni in Dragon Boat Festival kici pawipi akibawltawh kituak sawnsawn ahih manin, Huashan Scenic Area kuamsung tengah khualzinmi Tourist tammahmah hi. Khualzin Tourist bekbekpen 462,000 bang Ticket kizuakkhia hi ci’n Weinan Local Government te’n genkhia uhhi. Sawltak #zomidaily