Tedim Baptist Convention galet pak leng

Tedim Baptist Convention galet pak leng

1951 kum, Zogam ah Rev. S.T.Hau Go tawh Rev. E.E.Soward (Secretary of American Baptist Mission for Burma) hong zin uh hi. Tedim, Falam leh Khalkha pen Association ci nawnllo in, Convention khat dinzaw ding na khamtung gambup upate in na kikuppih uh hi. Tua thu lungkimpih ahih manin, 1953 kum ciangin Zomi Baptist Convention cih min puasak in Burma Baptist Convention(Myanmar Baptist Convention) tungah phalna ngen in, ki kipsak hi.

1980 kum ciangin Zomi Baptist Convention sungah om Association khempeuh C.C.O.C (Chin for Christ in One Century) min pua sakin gammial nasep ding vaihawm uh hi. Tua vaihamwna ah gammial nasep nang a sum kingah khempeuh Northern leh Southern a om thu ummite nasep nop zia kitel khialna hong piang hi. 1998 kum in Northern Chin khempeuh Zomi Baptist Convention pan pusuak khia hi.

2001 kum ciangin Tedim Baptist Association pen Northern Tedim Baptist Association, Tedim Baptist Association ci in khen thum suah hi. Tua Association thumte pen Convention dingin hanciam uh hi. Convention min dingin Tedim Baptist Convention min pulak khia uh a, Myanmar Baptist Convention tungah kipsakna ngen uh hi.

2005 kum ciang hih bang vaihawmna khempeuh Zomi Baptist Convention in mother convention ahihna tawh thukim pih hi. 8th January, 2006 – Myanmar Baptist Convention in Northern Tedim Baptist Association, Southern Tedim Baptist Association leh Tedim Baptist Associationte kigawm in Convention khat piak ding kipsakna pulak khia hi.

26 May, 2016 kum ciangin Zomi Baptist Convention (Chin Baptist Convention) sung a om Kalay Valley Baptist Association pen khen 3 kisuah in 1)Kalay Valley Baptist Association, 2) Northern Kalay Valley Baptist Association, 3)Southern Kaley Valley Baptist Association min pua in Convention thak manawh kawm in Tedim Baptist Convention ah Association kip dingin Cope Memorial Baptist Church, Myoma veng, Tedim ah sanna le kipsakna kinei hi.

Tu in Tedim Baptist Convention pen association 6 tawh ki kalsuan ahi hi. Topa in thupha pia in, kha mangthang veina guan in mission kuan khia kitat sat lo hi. Thu-um mimal a kumkum in khangto hi. Tedim Baptist Convention khut nuai ah pawlpi sia sepna ding ki sinna phual thum om a, Tedim Theological College, Tedim Christian College le Kalay Theological College om hi.

Tu laitak in Tedim Baptist Convention pen Tedim Baptist Mission Compound ah om hi. Zum lam tawh kikai in, Northern Tedim Baptist Association, Southern Tedim Baptist Association le Tedim Baptist Association teng pen Tedim khua ah om hi. 1) Kalay Valley Baptist Association, 2) Northern Kalay Valley, 3)Southern Kaley Valley Baptist Association teng pen Kalay khua ah om hi. Pawlpi sia sinna phual ahih leh, Tedim Theological College pen Tedim khua ah om hi. Tedim Christian College pen Yangon ah om a, Kalay Theological College pen Kalay ah om hi.

Tedim Baptist Convention in a sangpen pahtawina mi 2 pia uh hi.

1) Rev. Dr. Smith Ngul Za Thawng tungah honorary Doctor of Divinity degree 2015 kum in pia uh hi. Rev. Dr.

2) Rev. Dr. Kam Khaw Thang, Zomite Pasian thu lam ah lamlakpa min paulap in T.B.C huang sungah 3 April, 2017 hun in a sang pen zahtak piakna tawh vui uh hi.

Tedim Baptist Convention in a buaipih pawl khat;

1996 – 2005 kum sung khempeuh Tedim Baptist Convention ngahna dingin vai tawh buaicip hi.

2005 – 2010 kum sung Cope Centenary Jubilee pawi le building tawh buaicip uh hi.

2011 – 2014 kum sung Cope Centenary Jubilee Hall maban tawh buaicip uh hi.

2015 – 2017 kum sung Kalay Valley Baptist Association, Northern Kalay Valley Baptist Association le Southern Kalay Valley Baptist Association tawh buaicip hi.

Tedim Baptist Convention in a kinsep ding pawl khat:

1) Faacebook pan group (or) page thak khat official tak in gel zo lai leng,

2) Church Education tawh kisai ki makaih zia hoih tak in hong update sak lai hen la, Department khat in ding khia sak zo leng.

3) Pawlpi kem sia neilo te, pawlpi sia ding a manlang thei pen vaihawm sak zo leng,

4) K – 3 te tawh kipawl lai takin zum inn ding building thak kinngaihsut zo leng.

Laigelh: Tg. Khup Zo Mang
(M.Div.&MBA Student,India)
Source: Phualva Lungtuak Media