Russia gamsung ah Taxi Driver khatin khetawh khuasungvak mipi te nawkgawp, mi tampi liam

Russia gamsung ah Taxi Driver khatin khetawh khuasungvak mipi te nawkgawp, mi tampi liam

Russia gamsung khuapi laizang ah Taxi khatin khetawh apai mipi te anawkgawp, ataihgawp laitak Video Clip ki khahkhia hi. Tua thupiang pen Russia gam ii khuapi ahi Moscow City sung aom Red Square kicihna ah zanni in thupiang kici a, Taxi in khetawh apai “Pedestrians” te anawkgawp laitak Video Clip pen Social Media ah ki thehzakpah hi.

Tua CCTV sungah Pedestrians te anawkgawp Taxi pen Yellow Cab khat hi a, thakhatthu in ataklam aom khetawh avak hiathiat mipi te nawkpheigawp hi. Taxi pen High Speed tawh hatsak mahmah ahih manin, mipi te abanban in nawkpheigawp in, tuksuk ziahziah hi.

Tua Taxi pen mi tampitak abanban in anawkphei khitciangin anunung ah Signpost khuamkhat phukha in, tuaciang in khawlpan hi.

Tua Taxi Driver pazong thakhatthu in taikhiat vingvengsawm hipahleh khuasung mipite’n bawhhuanpah, delhhuanpah ngeingai uhhi. Taxi Driver papen lamzikpi ii alanglam ah taipheigawp in, ahi zongin khuasung mipi te’n mankhiathei veve uhhi.

Tua Taxi Driver panpen Muslim te atam mahmahna gamkhat ahi Kyrgyzstan gammi kici a, khuasung mipite Accident in anawkkha kici hi. Russia gampen tulaitak World Cup Football kisuihna hi a, khuasung mipi te World Cup tawh abuai mahmah laitak uh ahihi. Taxi in aphutkhak Pedestrians mipite zong World Cup etding a ukmahmah Football Fans pawlkhat kihel kici hi.

Taxi ii anawkkhakna hangin aliam pen mi 10 valbang phading kici a, tua aliamte lakah Mexico leh Ukraine gampanzong kihel uhhi.

Video: A video clip of a taxi ploughing into pedestrians near Moscow’s Red Square yesterday has gone viral on social media. The distressing CCTV footage shows a yellow cab suddenly swerving to the right, mounting a sidewalk and driving at high speed into at least a dozen people.

https://www.youtube.com/watch?v=9Tc_7SZ8BOo

Taxi Driver papen tulaitak Police te’n kemcipphot uh a, hihbangin mipi anawkgawp pen angim taktak hilo, gitloh gamtatna hilo in, Accident in anawkkha kahi ci’n Taxi Driver pa’n genkhia hi. Tuabang in Taxi ahawl laitak in zukham ahiam ci’n kidong a, bangmah guihtheih khamtheih zat neilo hi ci’n thunei te’n gekhia uhhi.

Friday ni inzong U.S. State Department te’n tangkona khat khahkhia uh a, Russia gamsung azindingte kidawm un, migilo Terrorist Groups te’n ngongtatna bawlsawm uhhi ci’n mipi kidopding in zaksakna neikhia uhhi.

More: Spain, Barcelona ah mawtaw khatin mipi nawkgawp in mi 13 si, 100 val liam

Terrorists te’n bangmah theihkholhloh hunding laitak in ngongtatna neitheiding uhhi. Adiakdiak in gamdangmi te omphadiakna Tourist Location, Transportation Hubs, Market, Shopping Mall, Local Government Facilities cihte ah kidawm phadiak un ci’n Travel Advice zaksakna neikhia uhhi. Sawltak #zomidaily