Yangon Government in Karaoke Business panin sum tampi ngahding kici

Yangon Government in Karaoke Business panin sum tampi ngahding kici

Myanmar, Yangon khuapi sungah Karaoke Parlour pen tammahmah in, sumzonna inzong aki limzat mahmah Business khat ahihi. Yangon Region sungbekbek ah 2000 kum khitzawh Karaoke Licence akipiakhia 326 Parlours bang omdinghi ci’n Karen Ethnic Minister Daw Naw Pan Thinzar Myo in genkhia cihi.

Hihvai tawh kisai in Daw Naw Pan Thinzar Myo in tukha kipatlam in Yangon Regional Parliament Session ah agenkhiat kici hi.

Adiakdiak in Yangon leh Mandalay khuapi te ah 2000 kum khitzawh Karaoke Parlours cihpen hongminthang mahmah hi. Tulamlam ciangin Karaoke saipen Hotel pawlkhat nagawn ah kihongta hi.

Karaoke Parlours pen sumbawlte adingin summet bawlna ahoih mahmahkhat ahih banah, kumpi inzong sumtampi ngahlawh cimawk hi. 2017 kum April panin December kikalsung bekbek inzong Yangon Regional Government in Karaoke Business panin sumlut K41.1 Million ngah cimawk hi. Tua Revenue pen Karaoke Business bawltheih nadingin Licence athak pawlkhat apiakna leh pawlkhat Licence aneisa te Renew bawlna panin sumlut hi ci’n MMTimes te’nzong pulakkhia uhhi.

Ahi zongin tuabang Business tepen bangci bangin Licence kipiahiam cihpen hoihtak ki sitcianding hi. Hih Licence apiakhia pen Ministry of Information te piakkhiat hi a, ahi zongin kumsim hihbangdan Licence akipia tepen Procedure hoihtak theihkul hi, kumpi inzong sumlut bangzah ngahthei cih theician kulhi ci’n Kyauktada Township MP asemkhat ahi Daw Kyi Pyar in genkhia hi.

Tulaitak Myanmar Government in Karaoke Set khatciangin K30,000 Licence Fee alak uh hi a, Renew abawlte pen K20,000 kila cihi. Hih sumlakzia pen Myanmar gambup States leh Regions khempeuh ah akibang cihi. Tulaitak Licence kipiakzia pen kumkhatta hi a, kumkhat acinsim in Renew kik kulsakzel uhhi.

More: Kawlgam, Magway ah Karaoke saikhat meikang in mi 15 si

Licence Fee leh liausum Fines tuamtuam tawh akigawm in 2017 – 2018 Fiscal Year sungin Government in Karaoke Business panin K54.8 Million bang ngahtheiding hi ci’n Daw Naw Pan Thinzar Myo in genkhia hi. Karaoke sai (KTV) pawlkhatte pen lasak ciangbek hilo in, dawntheih tuamtuam, nektheih tuamtuam leh adang gualnopna Service tuamtuamzong aki ngah omtuak hi. Sawltak #zomidaily