Taman Jaya LRT station gei ah mawtaw 6 meikang

Taman Jaya LRT station gei ah mawtaw 6 meikang

Tuni Monday nitaklam in Malaysia gamsung Petaling Jaya aom Taman Jaya LRT Station gei ah akikoih mawtaw 6 te meikang ahih manin meikuang leh meikhu nasia mahmah hi.

Pawlkhat in hihpen Bomb tawh aki puaktamsak, aki kangsak hi cihzong kiza hiauhiau hi. Ahi zongin Petaling Jaya OCPD Asst Comm Mohd Zani Che Din in agenkhiatna ah hihpen Bomb tawh kisaina bangmah omlo hi. Aki haltawm hiding hi ci’n genkhia hi.

Inspector-General of Police Tan Sri Khalid Abu Bakar inzong hihvai ama ii Twitter ah gelhkhia cih kiza hi. Hih Taman Jaya LRT Station gei a meikang pen Bomb kitam hilo hi. Ahal kua cih aki kansan laitak hi cih Twitter tungah gelhkhia hi.

Tuni nitaklam 1pm khitpawl in hihvai tawh kisai Social Media tuamtuam ahi Facebook, WhatApp, Twitter cihte ah kithehthang gawp a, pawlkhat in Bomb kitam hi kidawm un ci’n agelhgelh zong om cih Straits Times tungtawn in kiza hi.

Six cars ablaze at Taman Jaya LRT station

Fire and Rescue Department te genkhiatna ah hih mawtaw 6 te akatna ah meiphelh in nailang vai ka buaipih uh cih genkhia uhhi. Ahi zongin meikatna ahang taktak pen ki theician nailo a, aki kansan laitak cih kiza hi. Asi leh aliam abai bel omlosam cihi. ZD Sawltak #zomidaily