Tulaai Leitung Thuthang Tuamtuam Updates October 20, 2015

Tulaai Leitung Thuthang Tuamtuam Updates October 20, 2015

· Leitung Gaalpi thum na piangzo phialding a kilam en Syria gamtung a phialphiah bang a kipaihpelh zialzial US leh Russia te anihtuak un kikihta tuak uhhiam Vanlaai ah gaalvanleeng te akiphuut khakloh nading Air Traffic Safety On Syria cih thukimna October 20, 2015 ni in Suaikaai ci in Pentagon ten genkhia uhhi. US ten 2014 kumpan IS te Vanlam tawh 2,600 vei Bomb khiat ta uha, IS te kiamtuannailo, Russia ten lah Nisim bomb akhiat uh hang IS te Kiamtuam lo ci in London bulphuh SOHR te leh Pentagon ten gen October 20, 2015 ni in genkhia uhhi. Russia ten Tuma Kaal thum pan kipan tuniciang Syria gam ah IS gaalkaap leh Tapong kigawm 243, leh Mipi 127 gokhin ta uhhi. VOA

· Philippine gam leilu lam teng October 19 nipan Huihpi leh Guahpi in nasiatak in nawkgawp ahihman in mi 17 si a, Lei leh Lampi 100, Inn leh Biak Inn 300,000, Hamsatna tuak mipi 300,000 pha a kumpi thunei te in ahithei zah in abuaihpih laaitak ahihi.BBC

· Ni 4 sung taam ding a Britain gam a vazin Sen President Xi Jinping in Britain Parliament ah thungenna October 20, 2015 ni in nei hi. Zingciang October 21,2015 ni ciang Prime Minister David Cameron tawh nitaak ann nekhawm ding uhhi .Amah peen sumvaai azin hipha diak hi. Britain gam a om Chinese Innkuan ten tangkha tuitawh namuak zihziah uhhi.CNN

· 1953 kumpan akikhen thaang cip Korea sak le khang a Tanau neite kimukhopna October 20, 2015 ni in Uhamzaw deuh teng kimusak phot uha, khat le khat kikah ziahziah in “Sian In khen maw Zin in khen maw sinlaai ah nasang ee” Tuunsung khat pan piang hi ngeingei hang ci in lungdamna ki it na khitui te luangziahziah hi. Nithungsung sawtding ci uhhi. VOA Lungdam, Thang Khawm Pauzomi (Bowling Green , Kentucky, USA)