Tagah kepna innmai ah naungek suakcil khat kinusia
Malaysia, Subang Jaya sung aom tagah kepna “Orphanage” khatah nasemte’n vanpuakding in apai uhleh kongpi Gate maiah naungek aki nusia khat mukha uh cih theStar pan kiza hi. Tagan kepna Orphanage ah vankisam te apuakding Delivery in apai laitak un Front Gates panin amuhkhia uh ahihi.
Hihvai tawh kisai in palik thunei ahi District OCPD Asst Comm Mohammad Azlin Sadari in agenna ah aki nusia naungek pen pasalno hi a, cidamna bangmah pauban omlo, “Good Health” cidamtuak mahmah hi ci’n genkhia hi.
Hih naungek akimuhpen tuni Sunday (Jan 28) nitaklam 1pm hunpawl hi a, Rumah Amal Cahaya Tengku Anpuan Rahimah kongpi ah nasem numei 3 te’n amuhkhiat uh ahihi.
Naungek pen akivel ciangin bangmah liamna cihbang kimulo a, ahi zongin Shah Alam Hospital ah hoihtak sitcianna neihsakding, Examination bawlding in kipuaksak hi.
Tuciangciang aki kankhiatna leh amukha atheikha te genna ah tua naungekpen asuahzawh ni 3 panin ni 4 kikal khawngbek hipanding ci uhhi.
More: Yangon Hlaingthaya ah naungek asuakcil akipaai khat anungtalai in kimu
Hih naungek ki nusia vaitawh kisai in atheikha, Information khatpeuh athei aomleh amanlang in anaipen Police Station khatpeuh ah hong zasak un ci’n palik te’n genkhia uhhi. Sawltak #zomidaily
Comment piaknop aomleh...