Tulaai Leitung Thuthang Tuamtuam Updates May 19, 2016

Tulaai Leitung Thuthang Tuamtuam Updates May 19, 2016

· Pasian lamlah na tawh Zomi sung ah Pasian in sathau ongnilh sak ahi Sia Do Khup leh Bowing Green khua sung a om Zomi aom thei teng in hunnuamtak kat May 18,2016 nitaak lam in kinei thei a mimal 200 kiim kihel thei in tha kingah mahmah hi.

· Piantit gam Paris khuapi pan Egypt gam Cairo khuapi atu ding khualzin mi 56 apua EgyptAir company vanleeng khat May 18,2016 ni in Rader in manthei nawnlo a lamkaal ah mangcip hi. Egypt gaalkaap te in zong nasiatak in zongpah uha, muhna bangmah nei nailo uhhi. VOA

· Iraq gam Baghdad khuapi sung munnih ah IS misok ten May 18,2016 ni in Bomb puakkham sak uha, mi 70 phualsihpah in mi 170 kiim naakpi tak in liam uhhi. US vanlam gaalkaap ten IS te leizon sukpah uha, Alubok mahmah IS Makaai nih kaaplum uhhi. VOA

· US ten Vanlam pan Bomb tang guah bang a azuksakna uh namkhat ahi B-52 Bomber Gaalvanleeng khat May 18,2016 ni in Endersen Air Force Base, Guam ah kia a kaang tum hi. Vanleeng tung ah atuang mi 7 te ahihleh vanleeng lei atukma in huih lukhu tawhleengkhia man uh ahihman un nungta uhhi. BBC

· 2014 kum April 14 ni in Nigeria gam Cibok khuapan Bokoharam migilo ten amat uh numeino 219 lakpan Numei no khat Nigeria gaalkaap ten Cameron tawh gamgi ah May 18,2016 ni in mukhia uha, Naungeek nanei in anau ngeek kha 4 napha ta hi. CNN

· Sri Langka gam Kegalle District sung khua-3 ah May 18,2016 ni in nasiatak in guahzu in tuikhang ahihman in mi 134 mangcip a misiluang 14 khawng kitawmkhia pan in adangteng mangthang laai hi. BBC Lungdam, Thang Khawm Pau ZOMi (Bowling Green , Kentucky, USA)