Sumbul omlo kipawlna nasep ~ Nang Khan Pau

Sumbul omlo kipawlna nasep ~ Nang Khan Pau

Zomi sung ah minam leh gam ading in, nalian tampi semnuamlua ihih man in kipawlna tampitak ong piangkhia in tua kipawlna a omte I etet teh deihbang a mavan zawhlohna in sumbul (budget)nei a nasem ki omlo ahih man in, lawhsapna leh picin zawhlohna thu tampi kiphu kha hi.

Zomi sung ah Gamsung gampua ah Zomite kipawlna tampi tak om in, minam leh gam ading bek hilo Biakna pawlpi atam zaw zongpen budget omlo pi a nasem vive hi mawk hi hang!

Gentehna in; ZAM (Malaysia) bangpen akipat a kipan tuni dong minam ading nalian tampi ongsep uh hang in, sumbul hizah nei I hih man in, ahih kei leh tua nu tua pa in hihzah tawh/tua kipawlna in onghuh ding cihbang tawh lemetna omlo pipi in nalian tampi asepna sung ah mindaina, lawhsapna, kicin zawhlohna leh haksatna atuamtuam phukha uh himah tase leh tuni dong hiciang ong pan zawhna pen by faith (bingfoot) cih tawh akalsuan vive ahihi.

Zomi sung ah hibang kipawlnate pen Zomi sungbek mah ah om a, leitung gam minthang tuamtuamte ah hibang kipawlna sumbul omlo nasepna cihbang om nawnlo in, kipawlna hibang aom lai ahih lam azak uh teh lamdang sa mahmah uh hi. A hang in sumbul omlo pi bangci kalsuan a nasem ding cih ahihi. Kei hitawh kivak ngapkeng cih hi pah malam hi.

Biakna sungbang I et teh kumcin khawng ciang nangkhanpaubudget ki suai pongmawk in tuapen a omsa hilo in, a beisa in hizah on glut thei ahih the tukum pen hizah ki ngah thei ding hi cih tawh kumkhat sung kalsuan ziading akigel hi den ahih man in, Pasian nasepna ah zong deihbang in lawhcin zawh lona in tua sumbul a omsa tungtawn pan hilo in ngahding hi cih lametna tawh akalsuan vive a hihi.

Sumbul a omsa omlo a nasep pen abaih hihetlo ahihlam pen asem ngeite bek in telding uh a, Kipawlna ah nasem ngeilo kihel ngeilote in telkim loding uh hi. Vai tampitak deihbangin kisep zawhlona pen sumbul tukum in hizah zekding I hih man cihtawh khamuang tak in nasep kipawlna omlo ahih man in, Zomi sung ah I kipawlna aneupen pan alianpen dong neumuh leh gensiat ding khatzong omlo a, pahtawi leh vangpiak ding vive ahihi. Nang Khan Pau