Starbucks Coffee te’n Myanmar gamsung ah sumzian $60 Million zangding
Abeisa kalsung in Starbucks Coffee te’n Myanmar, Yangon khuasung aom Sule Square ah amasapen Starbucks Coffee sai hongding cih kizakhin hi. Tuabangin Starbucks Company te’n Myanmar gamsungah Starbucks Coffee Shop ahontheih nading un sumzian $60 Million Investment zangding uh cih kiza hi.
Directorate of Investment and Company Administration kici atomin DICA ah Deputy Director-general asemlaitak U Thant Sin Lwin in agenkhiatna ah amasapenpen Starbucks Coffee Shop pen Yangon khuasung, Kyauktada Township sung aom Sule Pagoda geinai aom Sule Square ah kihong masading hi ci’n genkhia hi.
Tua Starbucks Coffee Shop hontheih nadingin Licensed Partner asemkhawm ahi Coffee Concepts (Myanmar) Limited te tungtawn in akizakna ah Sule Square ah akihongding Starbucks Outlets pen December khasung in kihongding cih kiza hi.
Coffee Concepts (Myanmar) Limited pen Hong Kong’s Maxim’s Group tetawh asemkhawm uh hi a, tua tungtawn in Starbucks Company te’n Myanmar gamsung ah Outlet ahong kawikawiding ahihi.
Tulaitak Starbucks Coffee Outlet ah nasemding in Local Staff mi 40 leh Foreign Staff mi 2 Training akipiak laitak ahihi ci’n U Thant Sin Lwin in genkhia hi.
Starbucks Coffee Shop amasapen Sule Square ah aki honkhit ciangin Yangon khuapi sungmah ahi Myanmar Plaza, Yangon International Airport, People’s Park, Junction City, Yaw Min Gyi cih munte ahzong Outlet honbehding geelna om cih 7Day Daily tungtawn in kiza hi.
More: Myanmar, Yangon khuasung aom Sule Square ah amasapen Starbucks Coffee sai kihongding
Starbucks Coffee tepen nung 2015 December khasung in Cambodia gamsung ah lutkhinta uhhi. Cambodia gamsung ah aki hongmasa Starbucks Coffee Shop pen Phnom Penh International Airport sungah ahihi. Tuakhitzawh Cambodia ii khuapi Phnom Penh City sungah Starbucks Outlets 11 kibehlap in, Siem Reap City sungahzong Outlet 2 kihonbeh hi. Sawltak #zomidaily
Comment piaknop aomleh...