Spain gamsung Music Festival kibawl laitak Stage meikang in mi 22,143 ki hemkhia
Spain, Barcelona khuapi geinai ah Electronic Music Festival akibawl ziahziah laitak in Stage meikanggawp cih AFP pan kiza hi. Saturday nitaklam in thupiang hi a, meikuang huasia mahmah ahih manin, ki patau mahmah a, mi 22,000 val bang kihemkhia uh cihi.
Hihpawi kibawl pen “Tomorrowland festival” kici a, Northeastern Spain, Santa Coloma de Gramenet khuasung akibawl ahihi.
Meiphelh dingin Firefighters mi tampitak in delhpah ziahziah uh a, anunung ah meikuang phelhsiang zosam uhhi. Hih meikatna hangin asi kuamah omlo hi ci’n Statement ki khahkhia hi.
Stage meikatna hangin kipatau in mipi akihemkhia bekbek pen mi 22,143 bang pha uh cihi.
Video Clip aki khahkhia sungah pawi akibawlna Stage pen meikuang ziahizah in, meikhu vandawn ah kizialto ziahziah in lauhuai mahmah hi.
Video: Barcelona festival fire sees 22,000 evacuated to safety
Hih meikatna ahangpen akician in kithei nailo a, ahi zongin Organisers te’n Facebook Page tungpan in agenkhiatna ah Technical Malfunction hangin meikang akipan hiding ci uhhi.
Related: Spain ah bawngtal tawh akimawl khat akhe leh agawlgui kipikkha gawp ~ ZD
Kumpi thunei te leh Firefighters te tungah lungdam mahmah hi. Amau huhna, panpihna hangin meikuang bangzahin lauhuai himahleh pawi ending in aom zihziah mipi 22,143 te meikatna panin suaktathei uhhi ci’n pawivaisai te’n genkhia uhhi. Hihzah mi tampi lakah aliamzong kuamah omlo cibilbel hi. Sawltak #zomidaily
Comment piaknop aomleh...