Tulaai Leitung Thuthang Tuamtuam Updates March 7, 2015

· Kum khat dektak acingta Malaysia Vanleeng mang MH370 kimu tading hi ci in Malaysia Transportation Minister Liow Tiong Lai in March 7, 2015 ni in genkhia hi. Hih Vanleeng Mangpeen Australia leh Malaysia ten $90million bei leitung misiam tuamtuam tetawh azongzong laai uh hi a, amuh naciang uh asawtlo in taangkokhia ding ci uhhi.BBC

· US gam sung a teeng Spanish-Bene te lakpan azalian peen leh Democratic Party milui mahmah khat ahi New Jersey ateeng Senator Robert Menendez golhguuk mawhna tawh thukhenna thuakding ci in kumpi thuneiten March 7, 2015 ni in gensipsip ta uhhi. Ahizong in Attorney General ten maaikaal sung in athu ala kicingzaw in taangkokhia ding ci uhhi.BBC

· Nigeria gam te Maiduguri khuapi sung ah March 7, 2015 ni in Boko Haram migilo te in Numei lutuun te niikbawk kawm vuah Bomb puasak lillel in amau leh amau puakkham sak uha, mi 55 si nikhat thu in si a 140 vaal liam ci in kumpi thunei ten taangkokhia uhhi.VOA

· Syria kumpi te in Syria gam khanglam Hama khuapi kiim teng a kibusa IS migilo te phualpi teng March 7, 2015 ni in vanlam tawh alom atang in bomb khiat uha, IS migilo 26 athah lup ban vuah, Syria gamsung a IS te Gaalkaap Bupipa ahi Deeb Hedijan al-Otaibe zong viklum ziau uhhi ci in Syria gam encik SOHR ten taangkokhia uhhi.VOA

· Ongtung ding March 12,13 -2015 niciang Kachin thautawi pawl KIO makaai lianteng leh Kawlgam kumpi Thein Sein, Gaalkaap Maangpi Min Aung Hlaing te akhat veina kimukhawmding ci in KIO ten March 7, 2015 ni in taangkokhia uhhi. Palong minam thautawi PSLF leh Tanang thautawi TNLA ten zong sunsiah puaksakkawm leh thu ngai kawmding in zuiding uh ci hi.RFA

· Shan gambup Sangnau te leh Kaya gambup Sangnau pangte kipawlkhawm in March 7, 2015 ni in Aungphan khuapi ah lungphona abawl uhleh Thunei ten ummang in natawl meek uh ahihman in buaina pawlkhat om hi.Kawlgam bup University phial leh Minam kim Zomi-Chin losiah kihel kimta hi. Adiak in Zomi gam ading ineih sun Kalay University ( Naupang University ) 3 pan laihahkat lua uha, thu za mannailo uhhiam bangmah thu ging nailo hi.( Behlapna ) RFA

Lungdam
Thang Khawm Pau ZOMi
Bowling Green , Kentucky
USA
Cell- 270 -217 9593