Thailand gamsung tuibuahpawi ah Accident tuamtuam hangin mi 418 si

Thailand gamsung tuibuahpawi ah Accident tuamtuam hangin mi 418 si

Thailand gamsung ah abeisa tuibuahpawi ihcihsakziau Buddhist biakna te pawihunsung in lampi tungah tuahsiatna tuamtuam hangin misi 418 pha cih Reuters pan kiza hi.

Tuibuahpawi pen Buddhist biakna te ii ngeina kumthakpawi “Traditional New Year” hi a, Myanmar gamsung ah Thingyan Festival kici in, Thailand gamsung ah Songkran Festival ci uhhi.

Hih tuibuahpawi ciangin zukham ankhamsa in khuasungah kivakkhia ngeingaiden ahih manin, mawtaw tuahsiatna, Road Accident tuamtuam omden hi.

Tuabang in Road Accident aomloh nadingin Thai kumpi in tuibuahpawi akipatma in “Road Safety Campaign” ci’n mipi te kidopding hilhkholhna neikhin uh himahleh, abeisa kumsangin Songkran Festival hunsung in Road Accident tawh misi tamzaw hi ci’n Wednesday ni in Thai Interior Ministry in genkhia hi.

Tua Ministry te genkhiatna ah Songkran Holiday Week ahi April 11-17 kikalsung in Thailand gambup ah tuahsiatna Accident bekbek akigawm in 3724 om ci uh a, tualakah mi 418 takin asihlawh uh ahihi.

Abeisa nungkum Songkran Holiday sungah misi 390 tak omngei ahih manin, akiamzawding lunggulhna tawh Road Safety Campaign ci’n tuibuahpawi akipatma in mipite kidopding genkholhna akinei himahleh, abeisa kumsangin misi tamzawmawk hi.

Deputy Interior Minister Sutee Markboon in agenkhiatna ah Road Accident atamzaw pen mawtaw hathawllua Speeding hang hipipen a, tua Speeding hangin tuahsiatna apiangpen 27.69% bang phahi ci’n genkhia hi.

Video: Thai Interior Ministry said 418 people were killed in 3,724 accidents during the April 11-17 Songkran holiday week, up from 390 deaths in the holiday period last year.

April kha atunsim in Songkran Festival tawh kituakden ahih manin, kumpi thunei te’n zudawn zukhawmsa peuhmah in kuamah in mawtaw hawltheiloding, Motorcycle tuangtenzong Helmet lukhu hoihtak khuhamtangding ci’n atangkodet uh ahihi.

Thai Government in “Drive with courtesy, adhere to road rules” cih thulu tawh Campaign bawlin, thuhilhna Video tuamtuam, Photo tuamtuam khahkhia uhhi.

More: Numei khat HIV natna nei ci’n abeisa kum 15 sung ki theikhial, zato te thu kibawlding

Ahi zongin Critics pawlkhat te genkhiatna ah tuabangin kumpi thunei te’n Public Service Announcement abawl uhpen khuasung mipi te tungah atunzah dingin tungzolo, kizel zolo hi ci’n genkhia uhhi.

Myanmar gambup ah tukum Thingyan Festival hunsung in tuahsiatna bangzah, misi bangzah aomzen tammaw? Sawltak #zomidaily