Kalaymyo, Singunau vengsung ah Motorcycle kitaih, mi 1 si

Kalaymyo, Singunau vengsung ah Motorcycle kitaih, mi 1 si

Kalaymyo (Kawlpi), Singunau vengsung ah zanni Sunday (Jan 21) nitaklam in Motorcycle kitaihkha in mi 1 si cih PK Phoe Khine FB pan kiza hi.

Zanni Sunday nitaklam 7:30pm hunpawl in thupiang hi a, Motorcycle nih akiphukha ahihi.

Athu akizakna ah Motorcycle khattungah kum 26 gualpawl numei 2 leh naupang kum 10 gualpawl atungkhawm uh cihi. Tua Motorcycle pen adang khangno khat ii hawl Motorcycle khatin ataihkha ahihi.

Tua khangno penin Motorcycle hat hawllua, kidawmlo utbang in hawlgawp in tua numeite tuanna pen ataihkha ahihi.

Tua numei khat ii hawl Motorcycle tungah atuang khatpen liamgawp a, Kalay General Hospital kipuak himahleh zato ah si hi. Adang asilo numei khatleh naupang khattezong liamgawp ahih manin, Kalay General Hospital sungah guh kibawlna Department ah zato kilumsak cihi.

More: Kalaymyo sangnaupang khat ii abiang a eksakgawp sangsiama ki dinkhawlsak

Ataihkha khangno Motorcycle hawlpa pen thunei te’n man uh a, tuapa zong akhuk kikek in liamna pawlkhat ngah cih kiza hi. Hih tuahsiatna ah akihel te ii amin, apuam akician in bangmah zekbehna omnailo hi. Atheician te’n Comment ah hong Update unmaw. Sawltak #zomidaily