Singapore te’n Kawlgam ah International Airport lamding

Singapore te’n Kawlgam ah International Airport lamding

Singapore Company khatin Kawlgam ah International Airport thakkhat lamtheih nadingin Contract ngah uh cih Wall Street Journal in genkhia hi. Hih International Airport thak lamnading in $1.4 Billion beiding in Contract abawl uh hi a, Kawlgam vanleng tawh khualzinna athak suahsakding in ki lamen hi.

International Airport alamding Singapore Company pen “Yongnam Holdings Ltd” hi a, Singapore aom Changi Airport Group tawhzong akizom uh ahihi. International Airport alamnading munpen Yangon saklamdeuh aom Bago khua ah hi a, Hanthawaddy International Airport ahihi.

Hih Hanthawaddy International Airport hong lamkhin leuh kumkhat in khualzin mi 12 Million Passenger bangin zangding in ki lamen hi ci’n Department of Civil Aviation pan Director General Win Swe Tun in genkhia hi.

Tuaban ah hih Hanthawaddy International Airport pen 2019 kumbeilam pawl ah ki zangthei tading cihzong genkhia hi.

Hih Hanthawaddy International Airport pen nungkumlam in South Korea’s Incheon International Airport Corp. te lamding in akiza hi a, ahi zongin kumpi lampan lemlohna hangin aki zomsuaklo hihtuak hi. ZD Sawltak