Pu Thang Khan Gin leh apawlte Campaign ah lawhcing mahmah ~ Pu Go Sawm Khup

• Good News!
• Change for Zogam!
• Zogam Spring is here!
• Zogam leh Zomi a’ding thuhoih naza ing..

Denmah in Thanlon Bial a Election dinmun tawh kisai thu ka nakan thei a, Zomi taangpi taangta in itna leh deihsakna tawh tha pia in thu ih ngetsak, Pu Thang Khan Gin leh a Zogam Tanupawl picing takin Campaign kuan thei uh a, Singtang gam teng ah lawhcing mahmah cih thu za ing.

Amasa lam in Campaign Office nangawn suakta takin a kihong thei ding hiam cih lung hihmawhna om himah leh, Pu Gin leh a Pawlte a zinna peuh ah lawhcing takin thu leh la taangko thei uh a, Zogam leh Zomi thu angai nuam, a za nuam, Zogam a ngaklah, Zomi a it mahmah khuanu khuapa nungak tangvalte kikaikhawm in lungdam kipak takin nadawn uh hi cih thu kician takin thu za ing.

Ih Zogam Singtanggam a om laizom Zomi-te in gam leh minam thu taktak a nalunggulh mahmahta uh a, Pu Gin thugenna khempeuh ah a khuazang in tha kingah in kilawp mahmah hi ci uhhi.

Leitung kikhelna leh khantohna tawh kituak in Zogam ahzong kikhelna huihkhi hong nung hi cih kilang hi.

Zogam Spring hong tung a, Gam Makai leh Kivaipuakzia kilaih hun taktak hi cih thu kitel mahmah hi.

#2 Pu Sona Thang Khan Gin Ngaihte ZNC India @ Zomi Forum on Zomi Identity 2016 

https://www.youtube.com/watch?v=ccL1nrYsTGo

Pu Thang Khan Gin a lawhcin dongin itna deihsakna tawh thu ngetsak in tha pia ding hihang.

Vote nei khempeuh in Pu Thang Khan Gin Vote pia ni.

• Time for Change!
• Zogam Spring is here!
• Vote Pu Thang Khan Gin
• Vote for Singtanggam Singtangmi
• Vote Zogam Zomi

Go Sawm Khup
Zogam (Tuipigal Khawk)