Singapore, Golden Mile Complex ah pasal khat atuancil gawppa kimanta
Singapore gamsung ah pasal khatin adang pasalkhat akhe tawh tuatcihtak in atuatlaitak Video pen Social Media ah ki khahkhia hi. Tua Video pen Singapore, Golden Mile Complex ah abeisa October 11 ni in thupiang kici hi.
Video sungah puankangsilh pasal khatin mi tampi muhtangmah in adang atuksa pasalkhat tuatcihtak in tuanngekngek hi. Atuk khinsa pasalpa zong laumahmah in, amaitang humcip bikbek hi.
Ageinai ah akhensawm ahidiam pasalkhatin anehphei cianginzong tua puankangsilh pasalpa’n natumpheivat sawnsawn hi.
Hih buaina pen Beach Road aom Golden Mile Complex ah zingsang 3am hunpawl in thupiang kici a, Singapore Police tezong ki zasakpah cihi.
Tuatcipgawp athuakpa pen kum 25 aphakhin khat hi a, Tan Tock Seng Hospital ah zatui kibawlding in kipuak hi.
Hih thubuai Incident tawh kisai in Police te’nzong atuangawppa zongpah uh a, zanni in ki mankhia khinta cih Asiaone pan kiza hi. Tua atuangawppa pen kum 27 aphakhin khat ci a, tulaitak Singapore Police te’n hoihtak akancian laitak ahihi.
Video: Man who repeatedly kicked and stomped on guy at Golden Mile Complex
Hih Video aki khahkhiatna Facebook nuai ah Comment tampitak kipiakhin a, hihbang in agitloh gamtatpa pen kimawhsak mahmah hi. Alu panin tuansuk gawpmawk ahih manin, hihpen athahlupsawm himawk hi, mithat Case tawh thu kibawl hen kici hi.
Related: Canada ah pasal khatin temta tawh amuhpeuh dawtgawp in mi 5 liam
Hihpa gamtatna pen Public mipi tampitak in amuhding in ki khahkhiakhin a, tu’n tuabang in agitloh gamtatpa pen kimankhin ahih manin, athuakkik dingzong baihlo khading hi.
Singapore, Peninsula Plaza ah akitawnggawp Myanmar gammi 7 tezong kumkhattek thongkiading in thu kipia ahih manin, hihpa zong atawmpen kumkhat peuhmah thong kiatlawh khatheiding hi. Sawltak #zomidaily
Comment piaknop aomleh...