Malaysia, Pahang sung aom Hotel khat kicim, mi 90 ki hemkhiasak
Tuni Saturday zingsanglam in Malaysia, Pahang State sung aom Hotel khat kicim ahih manin, tua Hotel ah zintung Guest 90 te ki hemkhiasak cih Bernama pan kiza hi. Pahang, Bukit Tinggi sung aom Hotel khat ii apang umna akicim ahihi.
Hih tuahsiatna hangin kumtamkhin Senior Citizen khatleh naupangno khat liam uhhi ci’n Pahang Fire and Rescue Department (JBPM) deputy director Mohd Sani Harul in genkhia hi.
Tuni zingsangtunglam in acim hi a, akicip laitak in tua Hotel sungah agiak zinkhempeuh a ihmut laitak ahihi. Akicipna pen First Level, H Block ah akicim hi a, 84 Square Meter sungbang akicipna ah kihel cihi.
Hih buaina apian ciangin Fire and Rescue Department te’n tua Hotel sungah zintung khempeuh lungmuanhuai zawding ngaihsutna “Security Measure” tawh avek un amundang ah ki tuahkhiasak uhhi.
Tua akicipna Block sungtengzong ki khakcipsak a, zintunkik theihnading in muanhuai cih ciaptehna aomkik masiah ki khakcip sakphotding hi ci’n Statement ah thunei te’n khahkhia uhhi.
Tuaban ah tuahsiatna panin aliam tepen Bentong Hospital ah kipuaksak in, zatui kibawlsak cihi.
More: Afghanistan, Kabul khuasung aom Hotel ah thautawi migilo te lut, mi 30 val si
Hih tuahsiatna ah ahuh ahi Rescue Operation ah Police Officer leh Firefighter te kihel uh a, zingsanglam 4:20am hunpawl in Rescue Operation ki mansiangpan cih kiza hi. Sawltak #zomidaily
Comment piaknop aomleh...