China gamsung aom Highway lamzikpi tungkhat ah Truck mawtawpi khat hangin mawtaw tampi ki phukhagawp hi. Tua akiphutkhak laitak CCTV panin ki Record kha a, Video sungpan etkik ciangin lauhuai mahmah hi.
Hih Video Clip pen LiveLeak te’n Online tungah apholhkhiat masak uh ahihi. Video Caption ah agelhna ah tuzingsang 7am hunpawl in Jiangsu Qiyan High-speed Traffic Accident pianghi. Hih Accident hangin mi tampi liamgawp hi ci’n gelhkhia uhhi. Asi bangzah om cih kigelhlo a, aliam tampi om cihbek gelh uhhi.
Tua Video aki Upload zawh asawtlo in gamtuamtuam panin ki enpah ngeingai a, ki Share sawn kawikawi hi.
Hih tuahsiatna Accident akipatna pen lamlaizang ah atai Truck mawtawpi khatpen aveilam ah pialpheivat khamawk a, tuapan in aki phukhagawp ahihi.
Lamzikpi alanglam ah atai Truck mawtawpi khatzong aphutkhak ciangin lamzikpi taklamkiau nawkphei a, tuapan in anuai ah kiasukziau leh ahoihzaw phialding kimlaitak, lamzikpi langlam ah kikhawh pheikik leuleu in alanglam ah apai mawtawpi nihmah nawkpheikha citciat leuleu hi.
Video na en limlim dih un: Massive high speed road accident in China
https://www.youtube.com/watch?v=q-m9s5eU3TQ
Banghang in Truck mawtawpi amasapen in veilam ah pialsakvat ahidiam cihpen kitheician nailo ci a, aliam zong bangzahpha cihpen kizakna omnailo cihi.
Nungkum November khasung inzong Northern China, Shanxi Province sungah vuk kiagawp in mawtaw kiphulgawp ngei hi. Tuahun lai in mi 17 in sihlawh uh a, adangzong mi 37 bang liamgawp uh cihi.
Sengam sungah Motor Accident pen kumsim in tammahmah kici a, World Health Organisation te genkhiatna ah kumsim in mi 200,000 bang in sihlawhden ciliang uhhi.
Related: China ah “Petrochemical Plant” khat puakkham in mi 8 si, 9 liam
Tuabang in sihna lianpi apiangna pen Highway lamzikpi tungte ah hiphadiak a, ahangpen hatsaklua cihmah hiden zawpian hi. Tuabek thamlo, kidembawl, kituhbawl kawmin amai ah bangtan kigamlasakding cihte ngaihsut nawnlo in kiphulgawp ahih manin, Accident apiang pahpah kici hi. Sawltak #zomidaily
Comment piaknop aomleh...