Leitung mualsangpen Mount Everest etcianna
Royal Geographical Society ten kum 1965 in Mt Everest ci in a min nalaih uha, leitunga mual sang pen leh munsang pen in gen khia uhhi. Amin masa pen Peak IV ci a phuak ahihi. Mt. Everest mual bul a ateng gam (Nepal leh Tibet) te in amau pau tawh amin na phuak tek uhhi. 1852 kum in India gam mi Mathematician Radhanath Sikdar in Everest pen leitunga mual sangpen in na mu masa bela tua khitdeuh 1856 kum in Trigonometric Survey zanga teh hong hi in Metres 8,840 at sea level ci a genkhiat hong hita hi. Tuama in Kanchenjunga pen mual sang penin kingaihsun hi.
Mt Everest pen kum sim in nakhangzel in,4 mm kim bang kumsim in vantung lam ah dawkto zel in kingaihsun ahihi. Tua bang kawmkal ah Northeast lam nga in 3-6mm khangzel in kingaihsun hi. Mt. Everest pen mualsang pen a kingaihsut (at sea level) laitak in at Sea Base dan in tuatleng Hawaii gam a mual khat Mauna Kea acih pen nasang zawk pekpek hi. metres 10,200 na himawk hi.
Mt everest akahto te in apai deuh zawk na uh lampi nih omhi. Southeast ridge acih pen Nepal gam lam pan ahihi. Tua khitciang North ridge acih pen Tibet gam lampan a paina na hi leuleu hi. Hih mun a kahto masa bel Hillary leh Tenzing te in zinglam nai 11:30am, May 29,1953 in na summit khin uha, tuciang dong mah leitungah kinialna in kua zaw in mualdawn asangpen ah kahto masa bel hiam cih hi leh kilawm hi. Lam makaih Edmund in akhe insik masa hi na cihi.
Numei lakah Mt Everest ah akahto masa pen Japan nungak Junko Tabel hi in, akahto mun pen ahih leh Nepal gam mi Apa Sherpa hi a a mah in 2011 ciang dong 20 vei na kahto khin hi. Mt Everest ah summit mi 5000 kim bang na om khin in tua lak ah naupang bel in p kum 13 mi ahihi. Tua bek hilo in mittaw khat zong kihel hi. Summit te lakah numei kum tam pen in kum 73 ahihi. Hih te hangin Mt everest mual kahto pen baih mahmah cih hituan lo in, mi tampi takin anun na nasup lawh uha, tua te lakah mi 200 kim bang Everest ah aluang na om suak uhhi.
Everest summit te lakah Oxygen paa lo a kahto theih India gam mi na om hi. Oxygen paalo a akahto masak kumin mi pawlkhat leh doctor te in amah leh amah kithat lum hilel na ci uhhi. Pawlkhatte in asih loh pen akam phat man cihi. Ahih hang hih pa in kamphatman ahih loh zia kitel cian sak nadingin kum 2 khitciang anih vei na Oxygen paa lo in na summit kik hi.
2013 kum in leitunga Everest summit te lakah kum tampen hidingin tek mahmah ta sam bang kang keiita Japan gammi Yiuchiro Miura kum 80 pa in kahto in ci dam tak in hong tuaksuk kik hi. Hih mualtungah kahto dingin ci le sa leh lungsim kifit mahmah ding akisam pen ahihna thukhat ah koih phot leng sum le paaii bei pen nak bei mahmah hi. US$ 65,000 kul mawk hi. (Kawl gam sum tawh tuat sin o le). Alam dang mahmah inah Everest mualdawn sangpen ahț ah internet speed hat mahmah hi.
Tua banah hih mual min loh dan na mann taktak lo hi, ‘ever-est’ hilo in ‘eve-rest’ ci a lawh ding hizaw in ahangin hihmual min phuakna hang pen George Everest min dapsak a phuak hang ahihi. Mt Everest mual summit te lakah 100 ah mi 4 bang si zel in kituat hi. Tua banah leitunga mual niin bel (dirties) in kioih hi. Everesrer te in na nek theihna bung leh na nekna hawng paihna hanga niinsakna te akikaih khawp ciang ton 50 bang na himawk hi. Cin Ngaih, Ref: MSR
Comment piaknop aomleh...