Singapore ah numeikhat aguaktang dekin lamlam ahih manin kiman

Singapore ah numeikhat aguaktang dekin lamlam ahih manin kiman

Singapore, Bedok Town Center ah numei kum 39 aphakhin khat amahguak lamlam (Dance) cihi. Zingsang akipan nitaklamdong nai 8 sungbang amahguak alamlam khitciang in, anunung ah apuanteng suahkhia in aguaktang dekphial in bombi sungten bektawh lamlam ahih manin palik te’n man cih Lianhe Wanbao News te’n genkhia hi.

Hih numeinu pen zingsang 7am hunpawl in Bedok Town Center ah amahguak lam akipan hi a, akipatcil in kuamah in thudon khollo hi.

Ahi zongin damdam in alamdan kikhel in, tuapiandiak ahih manin, anawkkhia khuasungvak mipi te’n lamdangsa in enta uhhi. Mipi lunglutna Attention ngahta hi.

Akhe leilak ah dingkip in, ahi zongin akhutte huihlak ah veivei in, atuamtuam in lamlam hi. Nitaklam 3pm hundong tuabang in amahguak lamlamlel cihi.

Nitaklam ciangin tawmvei guahzu a, tuaciang in apuante akawtman ahidiam, apuante khatkhitkhat suahkhia in, anunung ah abombi sungten guakbek cianta hi. Tuaciang in abombi sungten “Underwear” guaktawh tuasung tengah kileh kawikawi hi.

Mipi te’n en ngeingai uh a, tualak ah amukha khatin aomzia man sanawnlo ahih manin, palik te sampah hi.

Asawtlo in palik te tungpah uh a, tua numeinu pen manpah uhhi. Tua numeinu pen Vietnam gammi hiding in ki ummawh cihi.

More: Singapore ah numei khatin azatsa nindalna te inntungpan lawnkhia ziauziau ahih manin $1600 ki liausak

Singapore Police te’n amatkhit uhciang in alungsim amanlo hiding in ki ummawh a, Institute of Mental Health (IMH) ah Psychiatric Assessment bawlding in kipuak cih kiza hi. Video ki khahkhialo citciat ci ei tangval te 🙂 Tulai leitung thusuak ngahdan, sawlna ngahdan atuamtuam hihtuak ei 🙂 Sawltak #zomidaily