Singapore meileng Station khatah muanmawh vankhat kimu in ki patau

Singapore meileng Station khatah muanmawh vankhat kimu in ki patau

Singapore khuasung kikawmna MRT meileng North – East Line tung aom Hougang Station ah Security Incident om ahih manin, hih Station ah meileng ki khawlsak ngamlo cih CNA pan kiza hi. Tuni Sunday dendiak in thupiang hi a, Singapore Police te genkhiatna ah Hougang MRT Station ah anei omlo Bag khat kimu in ki patau cihi.

SBS Transit te’nzong hih buaina om ahih manin North – East Line atai MRT meileng khempeuh Hougang Station ah khawlloding hi ci’n Twitter tungtawn 3pm hunpawl in genkhia uhhi.

Khuasung mipi te’nzong Hougang Station geinai nanawk khakei un ci’n ki zasak uhhi.

Police Officers tampi zong hih Hougang Station geinai tengah kileh kawikawi uh a, pawlkhat Underground Station geinai tengah Duty ngakcip uh cihi.

More: Singapore SMRT meileng lampi tungah mikhat asisa in kimu

Hougang Station ah aki nusia Bag pen thunei te’n sitsan uh a, bangthu bangla piangding cihpen ki genthei nailo hi. Aki theihbeh aomleh hong ki Update kikding hi. ZD Sawltak #zomidaily