NLD in kumkhat sung in mipi’ lametna apia zohiam? ~ Cin Lian Khai

NLD in kumkhat sung in mipi’ lametna apia zohiam? ~ Cin Lian Khai

2016 March 30 ni-in Democracy kumpi zaneihna NLD tungah kipia hi. Mipi tampi in Khitui naptui tawh a ngak uh hong tangtungta hi ciin luankhi gial bang kia ziah2 hi.

Mipite in Mualmi leh Kawlgalkapte kikapna hong veng ding a, Gam sung ah ngaihmuanna,thumanna, khangtohna etc om ding cih lamen hi. Atom in gen leng mipi in khangtohna kideih hipen hi.

A taktak in, NLD Kumpi in zong, Ukna khempeuh ngahlo a hihman in suakta leh a deih bang2 un sem theilo cih thu mipi in kumkhat sung in ih mu khin hi. NLD in Mikang pau in cileng Mixed Reviews athuak laitak uh hi.

NLD Kumpi in USA Sanctions leh International Business Concession a inked uh hang, Kawlgam sumzuak sumleina pen to’ nailo hi. Gam sung ah zong Human Rights Violation leh Kawlgalkap in Mualmite a Kaplupna simmawhna etc NLD in kumpi kumkhat sung a sep sung nidang tawh kilamdangna omtuan lo hi.

Hihbang in NLD in mipi lametna Kumkhat sung hong piak pah lohciang mimal tampi takin a tungvuah mawhsakna Kammal tampi nei uh hi. Ahihhang in, Politician Pawl khat in hong pailai ding kumte ah gam hong khangto veve ding hi cih lamen uh hi.

Mualgam lam ah Kawlgalkapte leh Mualmi Galkapte kikapna hangin innmun lomun innlum lolum nusia a galtai pawlkhat leh amaute Social kipawlnate in NLD Kumpi mawhsak mahmah uh hi. Gentehna: TSYU, KYO,MYPO,Shan YO, etc. Amaute lungkimlohna tampi lak ah khat pen, NLD Kumpi in mipi nuntakna asusia gamtatnate amasa in khawlsak leh kilawm hina pi USAPI (Prio) lo hi ci-uhhi. Mipi deih Kumpi kah ahihman in mipideih hong sepsak, mipi nuntakna hong itsak masa ding kisa hi ci-in awging ziah2 hi. Rule of Law zong abeisa kum mahbang in kilamdangna omlo cihthy tawh NLD a ngal kawkkhawk uh hi.

2015 Kitellai in mi 77 % in NLD mepia uh hi. Tua mipite in Aung San Suu Kyi makaih NLD muang in Kawlgam ah kikhelna om ding cih lametna tawh NLD mepia uh hi. Kalay, kabaw a om Zomite a tamzaw in zong NLD amuan man un Minam party taisan liang in NLD Me pia uh hi. Chin State ah zong a tamzaw in NLD Me pia uh hi. Chin hat mahmahna Thantlang CNF te thahatna bulpi, CNF te Party CNDP in zong kiallap kitelna hitaleh kitelpi hita leh mun khat zong zolo uh hi.

Mipi in NLD mah na muang hi. Tudong NlD sepna mipawl khat a lungkim naivet loh hang athapia tamzaw lai a, Galkap ukna anawk khia ding in lametna nei uh hi. Hihbang a NLD in hamsatna athuak laitak mipi muhna atuam2 om a, NLD in mailam ah agualzawh nop uh leh mipi deihna hong et mahmah kul ding hi. Aung San tapa ahihloh hang, Politics a aupa leh aminthang mahmah, 8888 Generation, Political Prisonal Lui Ko ko Kyi te 2020 ciang hong kipan ding ahihman in NLD in pilvang tak in na asep uh kulding hi.

NLD hong cing leh Gamnuam ding a Gamdangmite in Business hong invest zaw ding cih lametna ih neih hang in, World Bank te reportna ah nung fisical kum pen tukum sang 30% in tamzaw ban ah mai kum ciang Economic Growth pen 6.5 in zekai zaw lai ding in gen uh hi.

Mipi bangzah tak in phun aom hang in NLD U Win Thein atutna ling nailo hi.

“Kawlgam pen Zawnna pan asawtlo in suakta ding in um ingh” ci-in RFA tekiang U Win Thein in gen hi.

“US sanction lift in United States,EU Gamte tawh sumlei sumzuakna ah hong manlang sak mahmah ding ahihman hi” ci hi.

Bangbang hileh, World Bank in, kawlgam zawnna pen 2014 kum 37.5 percent hi cihi. Nungdiak in bel Kawlgam zawnna 34 percent hi ci leu2 hi. Akhasiat huai mahmah ahihi.U Win Thein in thakhat thu a kikhel vat ding, leh gam hauh vat ding pen baihlo hi. Mipi tel Kumpi ih neih limlim zong kikhelna khat hi ci-in genbeh hi. Hibang in gensiatna a om hang, NLD kumpi pen Kawlgam Kumpi ih muhkhak lak ah ahoih penpen Kumpi hi cih zong genbeh hi.

U Win Thein in , nidang pekpan a Kumpi nasem Uliante in ko mai ah ka deihdan un nasem a, ahihhang, nunghei khaleng a utut uh nasem uh ahihman in kikhelna hong zekai sak tuam mahmah hi ci-in genbeh lai hi.“They are like old horses trained by previous people” cihi, Niwin Bawngte sinai lo in baih lo cih a gennopna hi cih kimu thei hi.

More: Thantlang a CNF te bawlding Chin National Dialogue vai mimal muhdan ~ Cin Lian Khai

Kawlgam bup level ah NLD te a kigensiat mah bangin Zogam ah ZCD ten gensiatna, phunsanna, hawmthawhna athuak laitak hi. Mipi in Gam huihnundan ngaihveng in kantel leng, politiciante lungkiat lohdan in lungkia lo ding uh hi. Lungdam, Cin Lian Khai (Zogam Khaino)