Numei te mainuh “Royal Expert Whitening Cream” akici te ah zatding akiphalzah sangin azah 3000 val tamzaw in Mercury kizang ahih manin zat huailo hi ci’n Singapore kumpi thunei te’n genkhia hi.
Health Sciences Authority (HSA) te’n hihvai tawh kisai in tuni Monday ni in agenkhiat uh hi a, mipi te’n Royal Expert Whitening Cream kici mainuh pen leikei un, zangkei un ci ngiat hi.
Hih mainuh pen Online panin kizuak a, ci ngosak bekthamlo, vuntonding dalsak “Skin whitening and anti-wrinkle effects” ci’n mipi lunglutding in bawlkhia uhhi.
Ahi zongin Mercury tamzatlua mahmah uh ahih manin, hih Product alei azang peuhmah in amanlang in khawlbawl un, zangnawn kei un ci’n Health Sciences Authority te’n genkhia hi.
Vanzuak te’nzong hih Royal Expert Whitening Cream pen zuaknawn keihen ci’n HSA pan genkhia uhhi. Phalna omlo in akizuak teiteileh kum 3 thongkiathei, ahih keileh liausum $100,000 ki liausak thei, ahih keileh anih inzong daan kipiathei cihi.
Related: Singapore meileng Station sungah muanmawhhuai van kimu ahih manin kikhakcip
Hih Royal Expert Whitening Cream zangkha in namai, navun leh napumpi angei batlohna khat aom zenzenleh amanlang in Doctors tetawh kilakpah in ci’n HSA te’n mipi tungah zaksakna nei uhhi.
Tangval te’n nungak te na gensawn unmaw. ZD Sawltak #zomidaily
Comment piaknop aomleh...