Kawlgam ah R.C Catholic pawlpi tunzawh kum 500 Jubilee pawi kibawl

Kawlgam ah R.C Catholic pawlpi tunzawh kum 500 Jubilee pawi kibawl

Kawlgam ah Catholic (R.C ) pawlpi hong tun zawh kum 500 ci’n Jubilee pawipi ki bawl zo ( 500th Year of the presence of Catholic Church in Myanmar 2014 )

Dear All, Kawlgam ah Catholic ( R.C ) pawlpi hong tun zawh kum 500 ci’n Jubilee pawi pi pen nung November 21-23, 2014 in Yangon St. Mary’s Cathedral biak inn pi leh Thuwunna bawlung tualpi ah Nationla level ( Kawlgam level in )picing tak, lungkim huai tak leh bang mah buai na om het lo in siangtho tak in gual zawh na pawi ki bawl zo ta hi.November 21-22 ni te in Bo Aung Kyaw Road a om St. Mary’s Cathedral biak inn pi ah pawi ki bawl in, a nu nung ni November 23, Sunday ni in Thuwunna Kumpi bawlung tualpi ah ki bawl in muh nop mah mah leh mi tam mah mah hi. Kawlgam ah Biak na pawi khempeuh te lak ah mi tam pen leh a thupi pen hi.

Tuni ciang pen Kawlgam ah a nuai a bangin Catholic mi pha zah ki mu thei hi. ( a ) Bishop 23, (b ) Fathers 937, ( c ) Khantawn zinei lo taangval siangtho Brother 250, ( d ) Sister 2000, ( e ) Pawlpi thu zui 700,000 tengh 7 val, Siadaw uk khawk ( diocese ) ki gawm 16 om in, Kawlgam bup mipha zah 51 million pan in 1.3 % ki hi zo pan hi. A beisa kum ( 4 ) lai a ki pan in Kawlgam bup ah ki gin ki thawi n ate om in Kawlgam sung R.C mi mal khat ciang Ks. 1000/- zong huh na piak na te zong om a, Fund zon na tuamtuam zong om a, thunget na Novena thunget na bawl na tampi te a om khit ciang a, ki bawl hi in, pawi ma in mi tampi te in Face Book te ah R.C te pawi bawl na ah Bomb puak kham thei ding hi cih thu te a ki gen thu te a om ta zong in Pasian hehpih na leh panpih na tawh gual zawh na ki ngah tak pi hi

Hih kum 500 Jubilee pawi pi hong sim te pen: ( a ) Cardinal 1, ( b ) Bishop te Kawlgam sung pan in 18, gamdang pan in 7, a gawm in 25 ), ( c ) Father te 350 a tawm pen, ( d ) Sisters te ( 400 ) a tawm pen, ( e) Kawlgam sung mun tuamtuam pan in pawi sim mi 100,000 val ( tengh khat val ).

Hih kum 500 Jubilee pawi pi ah zintun paai khai na pen Yangon a om R.C biak inn pi 13 te ban ah, pawldang te biak inn te, kumpi phasak na tawh kumpi pawl khat te, Hotel tampi tak, Guest House ( zintun inn tampi tak ) te ki kawm in, zin te pen a mau tun na mun leh biak inn ki kal Motor ciah leh kuan ki vai hawm sak lai hi.

Hih pawi pi ah zin lian ( Chief guest ) in Vatican a om a lianbel Siampi lian pa His Holiness Pope Francis pen hong pai thei lo a, a ma i taangin, India gam, Mumbai@Bombay khuapi pan in Cardinal His Holiness Oswald Gracias pen hong pai in, hih Cardinal pa pen November 20, ni in Vanleng kuan leh, C.B.C.M a ki ci Kawlgam bup bishop te leh Father te kingak na inn pi leh zumpi ah Bishop, Father te leh thuzui tampi te in thu pi tak leh muh nop tak a vaidawn na, zin muak na, Bishop te tawh holim na leh nitaak an neek khop na te om hi. DAY 1, November 21, ni 9:00 a.m hun in St. Mary biak inn pi ah Cardinal pa, Bishop te vaidawn na, Flute Band pawl 3 te tawh na siatak in ki bawl a, Cardinal pa i Jubilee Mualsuang thupha piak na, Mualsuang hon na, Cardinal pa muak na lasal ma te te om hi.

Cardinal pa leh Bishop te biak inn huangsung hong lut lai tak un Loud Speaker pan in Cardinal pa leh a pawl te ci’n taang ko in, mipi te in Pawlpi lan neu te khat ciat ki tawi in tua te sang lap to kawm in, Viva-Viva (Itlian kam mal tawh a ci dam ta hen) cih na kam mal zangin ki awng zuah zuah hi. Jubilee mualsuang hon khit phet in a ging thei tuamtuam te tum na leh vandawn ah mutpuak tampi tak khah to na te zong om hi.

Tua khit ciang bishop 2 in mipi te tung ah Pasian thu tangko na te nei uh 12:00 ciang nei uh hi. Sun lam 12:30 p.m pan 4:00 p.m ciang Siadaw uk khawk (diocese) pawl khat minute 50 sung ta Praise and Worship Service (Hourly Eucharistic Adoration) te ki nei hi.5:00 p.m hun in mipi Missa biakpiak na (Holy Mass) om hi. Tua Missa a ki pat ma in Pope Pa taang a hong pai zinlian (Chief guest) pa Cardinal pa pen tua St. Mary biak inn pi sung ah Jubilee pawi Committee te tung pan in Welcome na leh Cardinal pa i thukong hon thugen na te zong om hi. Cardinal pa in a lungdam na, a ang-tan na leh hong lungdam pih na in Congratulations! cih kammal 3 vei bang zang hi.Tua khit ciang Missa biak piak na ki pan in tua Missa ah Kawlgam bishop te ki pawl na a President a sem Most Rev. Bishop John Hsane Hygi ( Bishop of Pathein ) in Missa makai a, thugen na zong nei pah hi. Missa biak piak na a man ciangin Siangtho Pumpi tawh a ki khawm mipi te khuasung vaak na leh khuasung Siangtho Pumpi tawh thupha piak na te om, tua ban ah Benediction om, tua ban ah pawi sim khempeuh te Botathawng No. 6. S.H.S sang huang sung ( St.Paul sang huang sung ah ) ni taak an vaak na om.Zan lam 7:30 p.m pan in 11:30 p.m ciang Siadaw uk khawk (diocese 16 ) pan in ngei na lam Cultural dance tuamtuam tawh pawi lak na om a, muh nop thei mah mah hi. Cardinal pa leh Bishop te mah mah in zong muh nop sa thei uh hi.

Cardinal pa leh a pawl te vai dawn na, Missa ki pat ma a pua lam pan a ki gual a biak inn sung lut na te leh Siangtho pumpi tawh khua sung vaak na te ah Flute band ( Ben-kha-za ) te pawl 3 bang om in, Pengkul mut na te zong om, tua te in makaih in muh nop thei mah mah ki lawm mah mah, picing mah mah in, ih khuosik mul bang tho liang in, Kumpi pa vai dawn na zong tua zahkan hi kei mawk in teh ci nuam mai ing. Pawi hun sung khempeuh biak inn pua lam mun 3 ah zong L.E.D Signboard lian pi 3 tawh biak inn sung a, hun zat na khempeuh, vai khempeuh direct in a pua lam a te muh thei zak thei dingin ki suak sak hi.

DAY 2, November 22, Pawi ni 2 ni 9:00 a.m hun pan 3:00 p.m ciang pen Siadaw-uk khawk (diocese) tuamtuam pan in minute 50 sung ta Hourly Eucharistic Adoration (Siangtho Pumpi Biakpiak na Praise and Worship) te om hi. 4:00 p. m in Missa biakpiak na ( Holy Mass ) om a, tua ah Yangon Archbishop pa Charles Bo in Missa pen makai a thugen na zong nei pah hi.

Tua Missa a man ciangin a nuai a teng pen Cardinal Oswald Gracias
tung tawn in, Pahtawi na letsong piak nate om hi:

( 1 ) Kawlgam R.C sung pan in a kum tam pen, U Andrea , kum 110, Pha-an pan;
( 2 ) Kawlgam R.C sung pan in a kum tam pen 2 na, kum 97, Twenti pan hi;
( 3 ) Kawlgam R.C inn kuan te pan Pasian na sem tam pen te, Father 2
leh Sister 3 om na inn kuan te , Pathein pan ;
( 4 ) Kawlgam R.C inn kuan tam pen te, inn kuan 17, St. Anthony, Yangon pan hi;
( 5 ) Kawlgam R.C inn kuan tam pen 2 na, inn kuan 16, Toung-ngu pan hi;
( 6) Kum 500 Jubilee lai Article tam pi a at pen, Sayama Monica, Yangon te;
( 7 ) 500 Jubilee Logo Design a at pa, Loikaw pan ;
( 8 ) 500 Jubilee Lapi a phuak pa, Phe-khong pan;etc.

Tua khit Missa ( Holy Mass )a man ciangin Siangtho pumpi tawh khua sung vaak na zan nitak mah bangin om kik, a man ciang pawi sim khempeuh zan ni tak mah bangin nitaak an vaak na om, zan lam 7:30 p.m pan in 11:30 p.m ciang Myanmar Catholic te sung pan a lasiam te leh guitar siam te ki pawl na Catholic Creative Artists’ Association (CCAA) te leh a pua lam pan a lasiam te ki thuah in lasak na Stage Show tawh zin muak na om a muh nop mah mah mi tam mah mah hi. Gtn: Cin Pi te pawl hi. A beisa kum ( 30 ) lai khawng a lasiam min thang Lasiam Nu, Nwe Zin Win bang in tua Stage show lasak na ah hun-uk ( Master of Ceremony ) sem hi. Hei Ma Newin, Chaw Suh Khin, etc te in sa uh hi. Tua Cin Pi te ki pawl na min pen (“ Gatam Band “), ih Zo “Gatam” ci hi.

Tua ni nitak in Cardinal pa, Bishop 25 teng, Kumpi tungsiah U Lian te, V.I.P Father tampi te, a diak in kumpi U lian te Jubilee pawi nitak an neek pih na ( State Dinner) pen mi a tawm pen 150 bang te Sedona Hotel ki nei hi.

DAY 3, November 23, Sunday Pawi pi ni in ( Solemn Jubilee Holy Mass – Jubilee Missa biak piak na pawi pi )penThuwunna kumpi bawlung tualpi, a ki mawl te practice pawl na tual pi 2 ki gawm, a lai ah Concrete lampi khat om, Thuwunna Artificial Turf ( lopa a tuk ki bawl na )tua a za mah mah nun ah mi te zingsang 4:30 a.m hun a ki pan in ki tung ta a, hun pi pen 7:30 a.m in ki pan zo pan hi. 7:30 a. m hun in His Eminence Cardinal Oswald Gracias tawh, Bishops, Father V.I.P te, Kumpi U Lian te, Biak na tuamtuam pan a hong pai Chief Guest tuamtuam te pen Flute Band te in hong makaih in Stage tung hong zuan uh a tua mun ah hun ki pan hi. Tua mun a pai a ki khawm teng mi tengh khat val ci hi.

Tua khit ciangin:
( 1 ) Kawlgam bishop te ki pawl na President bishop pa in tu-a hong
pai khempeuh te kum 500 Jubilee Committee min tawh Welcome thu gen na,
( 2 ) Cardinal pa in kumpi U lian te, biak na tuamtuam pan a hong pai
te, Party tumtuam pan a hongpai te noset na leh thu kong hon thu gen
na nei hi;
( 3 )Bangkok a om Korea mi Vatican leh Kawlgam ki zop na Palai sem
Apostolate Delegate Archbishop Paul laipi Felicitation sim na,
( 4 ) Home & Religious Minister U Soe Win i lungdam na laipi
Felicitation sim na;
( 5 ) Yangon Division Prime Minister U Myint Shwe lungdam Felicitation sim na ;
( 6 ) International Buddha Sayadaw Dr. Ahin Nya Nyi Ta-ra i Felicitation sim na;
( 7 ) Buddha te taangin Embassador U Sein Win Aung Felicitation sim na;
( 8 ) Islam biak nate taangin Embassador U HLa Maung Felicitation sim na;
( 9 ) Hindu biak na te taangin U Shwe Felicitation sim na;
( 10 ) Myanmar Council of Churches –MCC pan in President U Lu Nyi in Felicitation sim na te om hi.

Pawipi hun pi pen 12:00 hun in man siang tho ta hi. Tua pan in St. Mary biak inn pi ah ki pai kik in tua ah Jubilee pawi sun an neek na pawi a pai khempeuh om kik lai hi. ( Danpauk- Bir-ya-nir ) tawh hong ki vaak hi.

Sun 1:30 p.m Jubilee pawi guah zawh na lungdam ko na lak na in Kachin ngei na Manaw dance tawh Kachin te mi 300 bang ding lam uh hi. 3:00 p.m hun in Jubilee Lucky Draw hon na zong ki nei hi.

N.B:: Hih Jubilee pawi pi tawh ki sai in:
a/ A pai khempeuh in tha ki ngah hi;
b/ Kum 500 a khat vei Jubilee pawi a hih man in ki lungdam tek hi;
c/Pasian tung hi leh kumpi te tung hi leh a kua ma peuh tung lungdam ki ko hi;
d/Pawi pi ni in Kawlgam mi nam kim min tawh leh pau tawh thunget na zong om hi;

Lungdam na tawh,

Father Go Lian
N.B::
Connection hoih lo in Photo te ki khak thei nai kei.