Zawhngeu akaplup laitak Video akhahkhia Saudi gammi khat kiman in thukibawl

Zawhngeu akaplup laitak Video akhahkhia Saudi gammi khat kiman in thukibawl

Zawhngeu khawngpen gamdangmi te’n a ithuai ganhing “Pet” namkhat in aciapteh uh ahihi. Ahi zongin Saudi Arabia gammi pasal khatin zawhngeu athahlupna Video pen Social Media tungah ki thehzakgawp in, ki lipkhap mahmah hi.

Tua Saudi Arabia gammipa pen Thursday ni in zawhngeu athahlupna Video vai hangin kumpi thunei te’n mankhinta uh cih New York Times te’n genkhia hi. Tua Video tepen Snapchat Video panin akhahkhiat masak hi a, Rifle thautawh akaplup kici hi.

Saudi Arabia gamsung aom Jeddah Port City sungah akaplup kici a, akaplup kawmkawm in hih zawhngeu te’n a mawtaw 4 te ninsakden ahih manin ka kaplup hi ci’n agenkhiat kiza kawmkawm hi.

Zawhngeu thahlup kikham hongcinuam te’n natheihding uhah, kalsim in hih zawhngeu te hangin mawtaw 4 kasawpsiang kulden hi ci’n Snapchat Video sungah akaplup kawmkawm in akampau kizathei hi. Pawlkhat Video tepen mawtaw ahawlkawm, apailaitak in akaplum ahihi.

Hihbang in cikziat huai Video akhahkhiat akimuh ciangin Snapchat Users te’n kihmahmah uh a, Snap Company te tungah Complain bawlin kankhiatding ngenpah uhhi. Banghanghiam cihleh Snapchat’s Terms of Use sungah “pornography, graphic violence, threats, hate speech or incitements to violence” cihte kiphallo hi.

Social Media tungah kiphun, kiso ngeingai ahih manin Wednesday ni inzong Saudi Ministry of Environment, Water and Agriculture te’n Statement khat khahkhia uhhi.

Hihbang gamtatna pen Animal Welfare tawh kituaklo banah Islam ii thuhilhna tawhzong ki lehbulh mahmah hi. Tuabek thamlo Kongdom of Saudi Arabia ii thukhun Laws tawhzong ki lehbulh hi ci’n tangko khia uhhi.

Video: Saudi man casually kills cats, uploads video to Snapchat; netizens, rulers outraged

Saudi kumpi thunei te’n amanlang in kankhia uh a, Thursday ni in tua zawhngeu akaplumpa pen mankhiatheipah uhhi. Kumpi thunei te’n thusitna, thudotna nei uh a, sum tampi liaukhathei dingin ki ummawh hi.

Related: Saudi kumpipa’n numei te mawtaw hawlkhuan piata

Saudi Arabia gamsung ah ganhing bawlsiatna “Animal Abuse” pen lipkhak mahmah uh a, First Offense pen liausum US$13,000 bang liausakthei uhhi. Tuaban in Second Offense agamtatkik leuleuleh liausum zong khangtosak uh a, US$106,000 bang liausum tuakthei cimawk hi. Malaysia gamsung khawngah ui ago simsim tezong akimat khakding patauhhuai mahmah hi. Sawltak #zomidaily