Kawlgam, Zogam ading in ICC leh UNSC ~ Pau Khat Suan

Kawlgam, Zogam ading in ICC leh UNSC ~ Pau Khat Suan

ICC thuneihna tawh tu ciangciang thu a bawl uh mi 39te tung ah bangzah ciang thunei cih theihhuai a, UNSC thuneihna tawh thu vaihawmna ah kumpi kikhel cihsang gam leh mun le mual tampi galphual suah a, mipi gentheih haksatna atut uh tamzaw ahih lam telhuai hi.

Kawlgam, Zogam mailam ading in ICC leh UNSC tawn a gamsung vai ah gamdangte ong lut ding a deihhuai takpi mah hiam limtak ngaihsut huai mahmah hi.

Ei’ gam, ei’ lei, ei’ thuneihna ah namdang gamdangte ong lutna ding tan, a kisam bang a hong a, a kidam bang a khaktan ding thupi mahmah ding hi.

Kisam lo cih bel hikei, thusim lo ding cihzong hikei. Ahih hang a limit om hi.

Russia gam buaina, kitapna, Germany gamnih kigawm kik a hun kikhelna, East Europe gam a ukcip gam pan suakta gam a kilaih kikhelna tampite i et ciang, hih hun kikhelna ii thanemna hunhoih bang a la a, mukmul lukhu neute’ ametdok nuam a apan’ denna uh ki muthei hi. Aban zom ah hoihna sang siatna tampi tonpih kawikawi uh ahihna zong a kinial theilo thu ahi hi.

Tu in zong Kawlgam ading in hun kikhel laitak a thanemna hunhoih bang in la a, ICC leh UNSC lam lianpi tawn a athuang athuang ong ong kuan nuam uh hi… cih pen kei mimal muhna hi. Apha ahi a, asia ahi zong in siksan, dinmun dapphah kip leh gina muhkhak sak loh ding kisam asa kahi hi.

More: Kua a khial ngeilo om? Pasian sui kuate? ~ Pau Khat Suan

Limtak et phatphat huai. Tulian a thupiang bek enlo a, aban ah bang in nungzuih thei ding ( pros & cons ) i ngaihsut ding kisam mahmah a, i ngaihsut theih kei leh kam vangtah ci a mawk ot-ot selo a mipilte’ thugen limtak bildawh a nungzuih hiathiat ding leh a kisap leh amau’ mapanna i panpih ding kisam ding hi.

Na vengpa bangzah tak hau in pil veva taleh na nu leh na pa sang ong itzaw ngeilo ding cih phawk gige in. Pau Khat Suan