Singapore ah Zolia khat tuahsia
Yangon khuapi a teeng Pu Dai Lian Pau tanu Singapore a nurse sem pen zanni August 20, 2016 ni (9:30 pm) hun pawl in a nasepna zato duty na pan inn a ciah teh a zuihna kahlei (elevator) nungah Malaysia gammi mivom pasal khat in zui pah lian a, Elevator sungah a pasal pan a gawl dawt sawm ahih manin anih un kilai thapai ci hi.
Pasian huhna tawh inn dawllina (4th Floor) ah kongpi kihong kha citciat ahih manin tua mun pan huhna ngenin awnggawp thei a, miten na delhpah uh hi. Ahi zongin a dawtsawm pa man kha lo uh ahih hangin CCTV pan enkik in nung mat veve uh cih kiza hi.
Sanggamnu pen a khut tem tawh kidawt kha veve ahih manin operation kibawl pah a, lauhuai luatna omlo ci hi. Ahi zongin tua luamma hang tawh Kha thum peuhmah nasem nailo phot ding cih upmawhna om ci hi. Pasianin i sanggamnu i nuntakna lamdangtak hong kepsak ahih manin i biak Zomite Pasian min i phat hi. Manlang tak damsiangna hong ngahna ding thungetna ah phawk ciat ni. Thang Khawm Pau/Zomi Post
Comment piaknop aomleh...