Singapore ah Zika Virus ngah mi kibehlap toto, mi 151 hita

Singapore ah Zika Virus ngah mi kibehlap toto, mi 151 hita

Tuni Thursday (01 September) ni in Singapore gamsung ah Zika Virus a ngahthak mi 31 ki behlap leuleu cih CNA pan in kiza hi. Ministry of Health (MOH) leh National Environment Agency (NEA) te’n Joint Statement abawlkhopna panin apulak khiat uh hi a, nisim in natna a ngah ki behlap ziahziah mawk hi.

Hihbang in natna kilawhvai aki genciankhit phetin Singapore Prime Minister Lee Hsien Loong in gammi te Zika Virus vai tawh kisai kanak dopmahmahding tangko khia hi. Zika Virus atamzaw aki muhkhiatna ahi Aljunied leh Bedok kuamsung tengbek hinawnlo in, Singapore gambup ah kizelkhin khatheiding ahih manin, gammi khempeuh kidopding in a tangko khiata ahihi.

Tuni in Zika Virus ngahkhading in aki ummawh mi 236 te sitcianna kinei a, tualak ah mi 52 te’n Zika Virus na ngahkhit takpimawk uhhi. Adang 184 tebel bangmah ki mulosam hi.

Tuni aki muhbeh mi 52 tawh akigawm in tuni ciangciang Singapore gamsung ah Zika Virus angah mi 151 tak hong phato tamawk hi.

Hih Zika Virus anei te lakah nupi naupaai nih kihel uh cimawk a, hih naupaai te hong suakkhialeh atate uh bangcibang in hongpiangding cih lunghimawhhuai phadiak hi. ZD Sawltak #zomidaily