Sing Thu (Ginger) leh Covid-19

Sing Thu (Ginger) leh Covid-19

Sing in cil mansak in na khuh, na pau napnit ciang huih lak a i cillum leng lo ding in hong dalsak hi.

Sing pen meh lak a i zat det khat hi a, niang tui lak ah khah a ki dawn thei zong ahi hi. Sing pen meh lak a i khah leh a lamdang mahmah zatui khat ahi hi. A diak in a vot, awm vot, vot lua in naptui luang cih dan in i om ciang sing ne in ki dam hi. Khual zinna ah luak suak in i om a nop loh ciang zong sing ki ne hi.

Annek khat peuh gilpi in gawizolo, numeite nin neih ciang a na, i ci i sa a nat leh zong sing ki ne hi.

Sing pen Sente leh India miten lim zat deuh uh a, dam loh ciang in a zat uh kum tul tampi hi khin hi. Tulaitak in India in leitung ah sing a lim ciin pen gam ahi hi. Roman Empire hun in zong India ten sumlei sumzuakna in na lim zuak mahmah khin uh hi. Arab gam khawng ah zong summet bawlna in kum zalom tampi na nei khin uh hi.

Kum zalom 13 leh 14 hun lai in sing pound khat pen tuu 1 tawh a man zah kikim hi. England kumpi nu Elizabeth in sing moh a bawl pen Christmas dawnna in ki zang in minthang mahmah hi.

Sing hoihna pen taanglai pek pan kam tawh ki gen bek hi lo in tu hun a ding in natna tuamtuam bawlna ding in ki zang hi.

Mipilte kan khiatna ah sing pen lugumnat, khukna leh zatui ki lempih lo a neite bawlna in ki zang hi. Lungtang sivui natna pan in hong dal sak in, thau zong kiam sak, cancer a piang sak cell te zong that sak hi. Mihaite leh khuak man mello te zatui in zong ki zang hi.

Asthma natna nei te a ding zong ki zang hi. Sing nekna hang in Covid natna ki zel lo tuam hi ci in Central Florida sang a research bawl mipilten na mukhia hi. Sing nekna hang in i cil man in huih lak ah leng nawn lo in Covid ki lawhna kiam tuamsak hi ci hi.

More: Cidam nading in anekdet huai zatui hoihmahmah Siing (Ginger)

Mipil ten i nap leng pen camera tawh na en uh a sing nekna hang in 80% i nap tui cil tui te huih lak ah leng khia lo tuam hi ci hi. Muktuam zatna in Covid ngah loh na ding numbat 1 hong dal hi a, tua khit ciang sing nekna a hoih pen ahi hi. Lianpi